Şygyr ogrulary hakda...

Sylapberdi Muhamowyñ Nukdaýnazar sahypasy üçin ýörite çykyşy

Penşenbe, 03.08.2023 ý.

("Daşda-içde pikir goýman..." syýahat depderinden)

Soñky döwür internetde imo tik-tok, instagram ýaly sosial setlerde birtopar şahyrlar peýda boldy. Goşgy okaýarlar. Betinden diýeyin-le...) çuññur filosofiýa durşuna, ägä bolmaly, ýogsa gark edýär.
Ahyr käbirleriniñ eserleriniñ meñzeşi rus, yewropa edebiýatyndan çykyp ugrady. Bu nähili bolýar-a? Düşünýänler üçin bu biziñ şahyrlarymyzyñ ýewropa derejesine çykdygy dälmikä?!
Aý utanç size, şahyrsumaklar. Honha biri bar, Ýewtuşenkonyñ dünýä belli goşgusyny alyp, birtopar arsyz sungat işgärlerine hem klip etdirip "Gorkmak gerek däldir..." diýip aýlanyp ýör. Soñ bi masgaraçylyganam az görýän ýaly özbek şahyry Erkin Wahydowyñ "Çäýnekmi", "Pespällikmi" bir goşgusyny alyp, öz adyna geçirdi.
Dostlarymyzyñ biri Ýewgeniý Ýewtuşenkonyñ goşgusyny çilmäge gaýraty çatan ýaş şahyra Kerimgeniý Hallyşenko diýip täze at-da tapdy.
Ýöne, görüp otursak, ol özüniñ şygyr ogurlaýan adynyñ ýaýramagyna gaty bir garşam däl eken. Черный пьяр тоже пьяр.
Umuman goşgy ogrularyna masgara bolmak gorkusy ýok.

• Awtor hakda

Sylapberdi Muhamow 1980-nji ýylyň 20-nji ýanwarynda Türkmenistanyň Daşoguz welaýatynyň Ýylanly (häzirki Gurbansoltan eje adyndaky) etrabynda ýerleşen Garagaç obasynda eneden dogdy.
Başlangyç bilimi obasyndaky 21-nji orta mekdepde aldy. 2010-2019-njy ýyllar aralygynda öz welaýatyndaky "Daşoguz habarlary" gazetiniň Syýasy jemgyýetçilik bölüminde uly habarçy wezipesinde işledi. 2018-nji ýylda welaýat häkimliginiň garamagyndaky liseýde kitaphanaçy we arhiwçi hünäri boýunça bilim aldy.
2014-nji ýylda sungat we döredijilik ugurlary boýunça geçirilýän Türkmenistanyň Prezidentiniň "Türkmeniň Altyn asyry" bäsleşiginiň ýeňijisi boldy.
Maşgalaly. Häzir Russiýada ýaşaýar.