Täze ýyl arzuwlary

TÄZE ÝYL ARZUWLARY

Her güni toý kimin döwletli Diýar,
Bosagaň berk, törüň haşamly bolsun,
Saňa bezeg berýän asylzadalyk
Her täze senelde düşümli bolsun.

Gyzlarymyz edp-ekramly mährem,
Ýigitler namysly, üşükli bolsun,
Halkyň göz guwanjy geljek nesiller,
Täze ýyl goý hemmä düşümli bolsun.

Sowgatly-salamly Aýaz babanyň,
Haltasynyň agzy çöşülgi bolsun.
Iň uly begenji körpe babalaň,
Erteki Täze ýyl düşümli bolsun.

Artybersin öý-ojaklaň hatary,
Ýaş juwanlaň rysgy goşulgy bolsun!
Sallançak mukamy şadyýan iňňä,
Täze ojaklara düşümli bolsun.

Täzesi bolmaýar könesi ýoguň
Ynsan käte köne-küşülli bolsun!
Emma hemmämize etjek dilegim
Täze ýyl hemişe düşümli bolsun.

Sylapberdi MUHAMOW.