Alym hem gämiçi hakynda hekaýat

Alym hem gämiçi hakynda hekaýat

Öñ bir alym gämä münen badyna,
Şeý diýipdir ony sürýän adama:

"Meniñ sowalyma jogap ber basym,
Ylym diýlen zatdan habardarmysyñ-"

Gämiçi aýdypdyr: "Kitap okamok,
Señ diýýän ylmyñdan bilýän zadym ýok".

alym şeýle diýen: "Bu bolşuñ erbet,
Onda ömrüñ ýaryn köýdi hasap et".

...Olar alys syýahata ugranda,
Birden güýçli gaý turupdyr ummanda.

Gämiçi sorapdyr: "Jogap ber basym,
Ýüzmek diýlen zatdan habardarmysyñ-"

"Men diñe ylyma berilen bende..."
"Ömrüñ baryn köýdi hasap et onda..."

Deñziñ holtumyna düşende elin,
Ylymly bolmagam gerekdir welin,

Ýüzmegi başarmak has zerur ondan,
Ine, şu barada oýlanyñ çyndan.