Aýdylmadyk söz

AÝDYLMADYK SÖZ

Gidiber, harlanan umydym taşlap,
Küle garyp söýgä bolan ynamym.
Men indi hiç haçan ýalbarman saňa,
Hiç kimse-de bilmez meniň ýananym.

Gidiber,
Az bolan bolsa yhlasym
Egsik bolan bolsa ýüregmiň yşky.
Men gara saçlaryň öpmän oňaryn,
Döretmän oňaryn şanyňa goşgy.

Gidiber gyz,
Hoşlaşmasaň, hoşlaşma,
Sen barybir söýgim bilen hoşlaşdyň.
Ýöne ýanmaýanyn unudyp barýaň
Bir ýanan ýürekde başga bir yşkyň.

Gidiber,
Galdyran hasratlaryňy
Şatlyklarym bilen göterer beýnim.
Ýekeje gezek hem “ah” çeker öýtme,
Çünki ejiz bolup dogmandy söýgim.

Gidiber sen
Asla yza bakma-da,
Aý, menem birine baglaryn ömri.
Ýöne diňe özüm ýitemsoň ýiter
Ilki söýgim bilen ilkinji urgy.

15.03.2010 ýyl