Bardyr

BARDYR.
                                     
Beýik Magtymgula.

Syrly bolşy ýaly çarhy – pelegiň,
Seniň dünýä beren syrlaryň bardyr.
Taraşlap şaglatdyň köňle geleniň,
Şuglaly Gün deýin nurlaryň bardyr.

Watan üçin jyda düşdüň haýryňdan,
Ýanyp – köýüp Meňli gyzdan aýryldyň.
Çagyrdygyň Dehistanyň baýryndan,
Seniň arka dirän pirleriň bardyr.

Ýel bolup ýüwürdiň Ýeriň damarna,
Nazaryň ýetişdi Arşyň kemerne.
Alla duş eýledi seni keremne,
Şahymerdan kimin pirleriň bardyr.

Ser belent gaýalar duman içinde,
Paýhasdyr parasat kelam içinde,
Gymmat baha daşlar umman içinde,
Umman deý kalbyňda dürleriň bardyr.

Arzuw edip gelnen arkama – arka
Şol döwleti gurup ýetdik biz bagta.
Türkmen beýik oglun çykardy tagta,
Sarsmaz döwlet guran ärleriň bardyr.

Şahyr waspyň edýär goly syýaly,
Hasyl boldy beýikleriň hyýaly.
Jennete öwrüldi türkmen diýary,
Gursagy joşgunly hüýrleriň bardyr.
                                             
1-2.03.2003 ý.

Sapargeldi HUDAÝBERDIÝEW.