14:02 Beýik Jogap / kindiwanja kyssajyk | |
BEÝIK JOGAP
Ol ýetginjeklikden şol ýeke-täk, iň beýik Jogaby gözledi. Ilki kitaplardyr mugallymlaryndan. Soň durmuşdan. Ahyrynda-da öý-öwzaryny, dogan-garyndaş, oba-ilini terk edip, şol ähli sowallaryň ýalňyz Jogabynyň gözleginde, sergezdan bolup ýören “Hüw-Hak” derwüşe öwrüldi. Ýollary sökdi. Dag-derýalardan, çöllerden aşdy. Onuň ýaşlygam, ýetişenligem, ortaýaşam... ýat ülkeleriň çaň-kirşenine garylyp, ýitip gitdi. Ahyry bir günem, “yhlasa-myrat” diýleni, ony Jogap küýseýän ýüregi, bir belent dagyň bilindäki gowagyň öňüne eltdi. Şol gowagyň garaňkylygynda-da özüniň şunça ýyllap agtaran Beýik Jogabynyň ýaşaýandygyny ol jany-teni, tutuş durky-düýrmegi bilen syzdy. Ol çensiz uzaga çeken, ummasyz horlukdyr-hunabadan doly gözleginiň tamamlananyna ynanmaýan dek, gowaga girip bilmän, öňünde sadylla bolup durdy. Birdenem gowagyň tümlügine bakdy-da, pessaý dillendi: -Men seni gözledim... Demsalym dymansoň, tümlükden owaz geldi: -Näme üçin?!... | |
|
√ Kaşgarly sözlügi ýa-da iki sürtük / nowella (18+) - 12.02.2024 |
√ Ýagyşly gün boýny burlan söýgi / hekaýa - 15.01.2024 |
√ Sen aman bol bu dünýäde / hekaýa - 22.01.2024 |
√ Çöldäki jaň sesleri / hekaýa - 06.03.2024 |
√ Başky söýginiñ müşki / hekaýa - 04.01.2024 |
√ Jan / hekaýa - 08.03.2024 |
√ Шер аминь / рассказ - 20.01.2024 |
√ Gara gözli söýgi ýaşaýarka... / hekaýa - 17.01.2024 |
√ Ahmyryň awusy / hekaýa - 13.01.2024 |
√ Pedofiliň ölümi / nowella - 04.01.2024 |
Teswirleriň ählisi: 0 | |