"Gyzykly geçmişim aýry däl senden..."

"GYZYKLY GEÇMIŞIM AÝRY DÄL SENDEN..."

Gyzykly geçmişim aýry däl senden,
Arzuwlarmyň başlangyjy mekdepdi.
"Harplykdan" başlanan pikirlenmeler,
Bu uly durmuşyň tohumyn sepdi.

Bosagaňdan geldim, maksada ýetdim,
Yhlas ahyr elter eken myrada.
Arzuw hakykatyň öňüne düşüp,
Öňe tarap salyp barýar bir ýoda.

Ýetilen maksatlar arzuw şinesi,
Ýene-de maksatda pikir-hyýalym.
Geçmişimiň saňa bagly bolşy deý,
Mekdep bilen bagly geçmeli ýolum.

Seýitmämmet HYDYROW.