Indi göwni hyýal bilen aldaman,
Görmersiň hyjuwmyň dönüp-agmasyn.
Indi söýgim — tolkuny däl deňiziň,
Indi söýgim — däl wulkanyň magmasy.
Akylym azaşyp özüni tapdy,
Ýüwrük günler sowaşdyrdy kem-kemden.
Seniň maňa nesip etmäniň üçin,
Kine saklap ýörmerinem ejeňden,
Kine saklap ýörme senem ejemden.
Ten berip takdyryň edenlerine,
Etjeklerin boýna alyp ýöreli.
Herimiz bir ýanda neresse yşkyň
Urnup-urnup, jan berişin göreli.