22:47 Ýok, men şäherli däl... | |
|
ÝOK, MEN ŞÄHERLI DÄL...
Ýok, men şäherli däl, däl men bu ýerli Bir obadan gelen sada ýigit men Gezip dagdyr dereleriň içinde Kän inipdim depe-depe eňňitden. Garylyp gumaksy ýollaň çaňyna Şatlykda geçipdi çagalyk döwrüm Deň-duşlarym bilen oýnan oýunlam Durmuş döwresinde iň uly öwrüm. Näme zada deňäp bolar Sumbaryň Böwürslenli hem ýylgynly kenaryn "Hazyna" diýp atlandyryp bilerin Jana lezzet berýän Sumbaryň naryn. Dana Pyragynyň, Pyhy Taganyň Görüp ulaldym men dagdaky keşbin Keremli mekanyň howasyn sorup Aýderäň boýundan seleňläp geçdim. Nirede bolaýyn, eý dogduk depäm Sen meniň gözüme juda eserdeň Çünki senden üzňe, gaýry zadym ýok Ýok men şäherli däl, däl men bu ýerden. Şöhrat MYRADOW, Döwletmämmet Azady adyndaky TMDDI-niň koreý dili hünäriniň 4-nji ýyl talyby. | |
|
| |
| √ Ýolbars we Möjek / basnýa / Goşgular - 05.01.2024 | |
| √ Ynanarmykan? / Goşgular - 30.01.2024 | |
| √ «Превратила всё в шутку сначала…» / Goşgular - 29.02.2024 | |
| √ "Gitdim senden ilerledip ümzügi..." / Goşgular - 01.01.2024 | |
| √ Nokat / Goşgular - 28.01.2024 | |
| √ Atsyz goşgy / Goşgular - 31.01.2024 | |
| √ Sumbaryñ kenarynda / Goşgular - 01.01.2024 | |
| √ Tilki bilen üzüm / basnýa / Goşgular - 10.01.2024 | |
| √ Göreş / Goşgular - 11.02.2024 | |
| √ Rubagylar / Goşgular - 01.01.2024 | |
| Teswirleriň ählisi: 0 | |