KYN BOLDY MAÑA BU ÝOLDA
Kyn boldy maňa bu ýolda,
Dert kalbymy gyýyp gitdi.
Degirmän delalat, dalda
Dostlam ýalňyz goýup gitdi.
Ma:ýylym, maýylganlygym,
Bir gyza ýazylgan syrym,
Ýaşlygym – ýazylganlygym,
“Indi gelmen” diýip gitdi.
Göwün gerip bu ýollara,
Ulaşyp ham hyýallara.
Ala aldana-aldana,
Ýarty ömrüm haýyp gitdi.
Geçmiş dana kişi ýaly,
Öwüt berdi gyşy, ýazy,
Ýyllar bagt guşy ýaly,
Gözlerimden gaýyp gitdi.
Ugruň hanja, näme derdiň,
Erkiň bolsa näm ederdiň?!
Durmuş atly dana gördüm,
Kä darap, kä söýüp gitdi.
Gurbandurdy ORAZOW.