Главная » 2023 » Iýun » 19 » Kyrk bir ýaş
18:43

Kyrk bir ýaş

KYRK BIR ÝAŞ

Şahyr, dostum Guwanç Sapara

Kyrka nädip ýetenmizem bilmedik,
Ýaşadymmy ýa-da ýaşamadym haýp?
Gezip ýörüs göge zyňlan alma dek,
Zemine düşýänçä ýa pelek diýip.

Kyrk ýaşa çen kyrk garakçy mysaly,
Meni söýenleriň köňlün taladym.
Bu gün öz-özüme diýýän: mysapyr,
Indi beri bet tamaňy tala daň!

A kyrkbirden weli eýmeniberýän,
Ol göýä gazaply kyrkbirinji ýyl.
Kalpda jeň turuzyp, eý nurbat-aman,
Kyrk bir diýseň sandyraýar injigim.

Şol mawy köýnekli magşuk geljek däl,
Bilmesem-de arzuw tükendi-ä diýip,
Men düşündim, indi ýaşap boljak däl,
Kyrk bolmasa kyrk bir eken-dä diýip.

Sylapberdi MUHAMOW.

iýun. 2021.
Категория: Goşgular | Просмотров: 286 | Добавил: sylapberdimuhamov | Теги: Sylapberdi Muhamow | Рейтинг: 5.0/2
Awtoryň başga makalalary

Goşgular bölümiň başga makalalary

√ Moskwadan görýärler / Goşgular - 30.01.2024
√ Şemally gün / Goşgular - 27.01.2024
√ Meniñ monologym / Goşgular - 01.01.2024
√ Lenç edilen nakyl / Goşgular - 05.02.2024
√ "Garrap ýörünmi ýa men..." / Goşgular - 01.01.2024
√ Ak buýnuzly ak maral / Goşgular - 01.01.2024
√ Ömrümiñ manysy bolmaly zenan / Goşgular - 05.02.2024
√ Ýagyş damjasy / Goşgular - 24.03.2024
√ Şert / Goşgular - 09.02.2024
√ Nädip ýaşamaly?! / Goşgular - 13.01.2024

Teswirleriň ählisi: 11
0
1 Mähriban  
607
Bu goşgyny haladym. Hem gynandym. Gaýrat ediň.

0
2 Gurgencli  
324
41iň aňyrsam elli, garrylyk. Adamda ýaşadym diýip agyz dolduryp aýdarlyk ömürem ýogaýt, göz açyp ýumasy salymda geçýär, gidýär. Şojagaz ömürde kimler bol-elinlikde ýaşaýar, kimler ýeter-ýetmez günde jebri-jepada ýaşaýar, garaz deňlik ýokda, özi bir adama berilýän ömür sähelçe şol sähelçe ömürde bir deňlik bolaýsada. Bolsady ekenden hem nep ýok, öňi soňy bolmajak zatlar .

0
3 Şirhan  
49
Durhow @Gurgencli, "garrylyk" zat diýip nemediberme:-) "Kyrkyna ýetmedik-nyrhyna ýetmez" diýipdirler.

0
6 Gurgencli  
324
Kämahal adam göwniçökgünlige düşende şeýleräk pikirlerem geläýýär. Aýyplaşmaň:)

0
7 Şirhan  
49
Ýok men-ä aýyplaşamok. Ýöne Sylapberdi aga nemetmese boldy:-)

0
8 Gurgencli  
324
Sylapberdi agam zordyr, nemetmez:).

0
4 Şirhan  
49
Kyrk birden hem eýmenmesene agam. Her ýaşyňam özüne ýetik şatlygam, aladasam bardyrla.

0
5 Gumlygelin0700  
1545
Gynançly bolsa-da gaty gowy çykypdyr. Kyrk ýaş ynsan añynyñ iñ kämil döwri diýýäler. Ýaşlyk bilen garrylygyñ serhedi bolansoñ bu ýaş böwrüñi diñledýär. Şeýle kämil goşgular dowamly bolsun!

0
9 sylapberdimuhamov  
1428
Nemetmez diýeniň nemetýän döwür bold-aý, beh-h...)

0
10 Gurgencli  
324
:)

0
11 Pegass  
1546
Gowy eken-aý, tüweleme, bu goşgy.

Teswiri diňe saýta agza bolan ulanjylar goşup bilýär.
[ Agza bol | Saýta gir ]