Parižli oglanjyk

Parižli oglanjyk

Wiktor Hýugonyň “Ýekerilenler” romanyndaky hossarlaryny gözleýän oglanjyklara.

Şowhundan hem galmagaldan
Garran gadymy Parižiň
Aýasynda bir oglanjyk
Ýaşaýar, ol nämedigin
Bilenok arzuwyň, düýşüň.

Diňe garaşmagy bilýär,
Bilmez nirde, haçan geljek.
Kim güler ol degişende,
Kim oňa göwünlik berjek?!

..Alnyndan däl aýagyndan,
Öpýär goňşym çagalaryň.
(Täleýinde ýok ekeni,
Ogşamak öz çagalaryn)...

...Uzaklarda penjireden,
Başyn çykaryp bir gende:
Kowýar bagtly körpeleri:
“Gidiň, oýnaň başga ýerde!”

Sebäp olaň gülki sesi,
“Dynç almaga” maý berenok.
…Oglanjygy söýýär dünýä,
Ýanyna baryp bilenok.

Enwer Nyzamow