Şem

ŞEM

Gije şem yşkyna şygyr döretdim,
Ýazdym geçen günleñ baryn tükelläp.
Hem düşündim bir zada men ýürekden,
Hut ömürem şu şem ýaly tükenýär.

Şemiñ ýanyşynda galplyk ýokdy,
Ýanýardy göwher deý ýaşyn paýradyp.
Dyzyna çen gözýaş, depesi otdy?
Ol gidýärdi bu gijeden aýrylyp.

Ýyldyz ýaly ýokdy onda sowuklyk,
Juda yhlaslydy onuñ ýanyşy.
Beýle ýanmaklygyñ soñy howply,
Belki, şudur şemiñ uly ýalñyşy.

Oñ daşynda pikir öwür-öwürme,
Şem ýanjakdy soñky öýjügne çenli.
Ol hem many berdi meniñ şygryma,
Hem bu gije boldy ajaýyp şemli.

Durdуmuhаmmеt GURВАNОW.