21:05

Sen ýene-de meniň düýşüme girdiň

SEN ÝENE-DE MENIŇ DÜÝŞÜME GIRDIŇ

Çarhyn yza aýlap goja pelegiň,
Sen ýene-de meniň düýşüme girdiň.
Jeren gözli, şirin sözli melegim,
Sen ýene-de meniň düýşüme girdiň.

Yşk köşgünden arka atyp gülberim,
Gaýdanyma näçe ýyldyr, bilmerin.
Ýa sen meni gözlediňmi dilberim?
Sen ýene-de meniň düýşüme girdiň.

Söýgi şerbedinden doly pyýala —
Içdim-de, ulaşdym serimsal hala,
Çümdürip oýlara, müň bir hyýala,
Sen ýene-de meniň düýşüme girdiň.

Käte ýansam yşkyň çogly naryna,
Köşeşýärin bir ýerlerde baryňa.
Kakyp söýgi dutarynyň taryna,
Sen ýene-de meniň düýşüme girdiň.

Gül kamatyň bilen kalbym eredip,
Ýylgyrýarsyň maňa sary seredip,
Bir mahalky söýgi odun köredip,
Sen ýene-de meniň düýşüme girdiň.

Aprel, 2020 ý.
Категория: Goşgular | Просмотров: 177 | Добавил: Haweran | Теги: Döwran Agaly | Рейтинг: 3.4/5
Awtoryň başga makalalary

Goşgular bölümiň başga makalalary

Tazy / Goşgular - 30.01.2024
Sumbaryñ kenarynda / Goşgular - 01.01.2024
Garaş maňa / Goşgular - 17.02.2024
Nokat / Goşgular - 28.01.2024
Rubagylar / Goşgular - 13.01.2024
"At bilen kowalap gördüler ony..." / Goşgular - 01.01.2024
Eýdip-beýdip... / edebi ýaňsylama / Goşgular - 12.01.2024
Kyrk ýaşa ýeteniñde / Goşgular - 03.02.2024
Ynanarmykan? / Goşgular - 30.01.2024
Ömrümiñ manysy bolmaly zenan / Goşgular - 05.02.2024

Teswirleriň ählisi: 0
Teswiri diňe saýta agza bolan ulanjylar goşup bilýär.
[ Agza bol | Saýta gir ]