Şol günden soň

ŞOL GÜNDEN SOŇ

Ýadyňdamy?
Ýoldan geçjek mahaly
Aladamy edip tutduň elimden.
Ana şonda ulaglar däl, gadyrdan,
Şygyrlar güwleşip geçdi deňimden.
Ýoly kesip geçenden soň ýylgyryp,
Ötünç sorap goýberipdiň elimi.
Soň ýenede goşgy okap barýardyň,
Men barýardym dürsäp bilmän demimi.
Şol gün boýsyratyň ogrynça synlap,
Goşgularňa erkim beren mahalym,
Bakyşlaryň ikä bölüp ýüregmi
Ekdi arasyna söýgiň nahalyn.

Pikirlem tokaýdyr, oýlarym jeňňel,
Arzuwym gyraksyz, başym ýaýkaýan.
Inçe tamalarmy şatuda daňyp,
Her gije sen hakda goşgy okaýan.