Ilkinji ädim

ILKINJI ÄDIM

Ynha, supra, ynha-da, un öňümde,
Bir ýanda hamyr jam, bir ýanda elek.
Hamyry kän gezek ýugranam bolsam,
Nan ýapmakçy bolýan birinji gezek...

Ýasandan soň dynjyn alan hamyry,
Odun daşap, ot goýberdim tamdyra.
Käte oduň tüssesine bogulyp,
Gözümi ýaşardyp çekildim gyra.

Közün toplap howry çykan tamdyryň
Körüklerin ýapyp başladym «işe».
Birinji nan gülläp ýykdy göwnümi,
Şondan soň galanyn etdim endişe.

Soňkulary düzüw bolsa-da maňa
ejemiň emeli ýetmeýän eken.
Nan ýapmagyň täri bilen tilsimi
Başyňa düşende bilinýän eken.

Nan ýapmak çagakaň palçygy ýugrup
Oýun oýnaýşyň dek ýeňil däl eken.