22:52 Surnugan möjek hekaýaty | |
SURNUGAN MÖJEK HEKAÝATY Bilip bolmaýar-da alna geljegi, Bir gün açlyk surnukdyrdy Möjegi. Ol siňkildäp sökdi tutuş jeňňeli, Garaz şeýdip, bu günü-de jemledi. Jelegaýda ýok hasap edip taýyn, Özüni akylly-paýhasly saýan. Hasaplardy özün jeňňeliň şiri, Öňünden çykany goýmazdy diri. “Her bir işde paýhasly men” diýerdi, Awuny-da saýlap-seçip iýerdi. “Güýçde hem kuwwatda, akyl-paýhasda, Men ähli haýwandan arşda-alysda!” Diýýän, bu Möjege ne döw çalypdyr?!. Ahyry bir Kirpä gabat gelipdir. Öň ençeme ýola awunan Möjek, Ýene-de bir ýola synanyp görjek. “Bu ýerde akylyň kömegi deger, Muny hile bilen iýerin meger.” Diýip, öz ýanyndan pikir ýüwürden. (Ynsa-jynsa süýji zat ýok ömürden.) Garaz, Möjek mähriban bolan Kirpä. “Maňa senden gowy dost boljak kimkä... Bu gün seni gözledim uzak günläp!” Diýip, al salmakçy bolupdyr gürläp. Ýene diýen: “Seniň bilen dost boljak, Saňa gelýän howpuň öňünde durjak! Biz bile çekeris durmuş keşigni, Aýyr-da zyň bu tikenli eşigňi!” Bu sözlere Kirpi çala ýylgyran. (Tejribesi bardy onda ýyllaryň.) Kirpi diýen: “Mende gorky-hatar bar, Möjek dogan, teklibiňe minnetdar! Hergiz bilip bolmaz pelek işini, Tikenim aýraýyn, sogurt dişiňi! Bu şertime razy bolmarsyň senem, Dost, tikenlem aýyrmaýyn-la menem!” Diýip, öz hinine siňipdir Kirpi. Surnugan Möjegiň çaşypdyr eňki. Özüňe artykmaç baha bermeklik – Ol bir jebir-jepa, sütem görmeklik. Kämil eken durmuşyň öz tälimi, Akyl bilen tap her işiň tärini. | |
|
√ "Bagşylara" / Goşgular - 07.02.2024 |
√ Suwdan ot çykaran goşgy / Goşgular - 31.01.2024 |
√ «Превратила всё в шутку сначала…» / Goşgular - 29.02.2024 |
√ Rubagylar / Goşgular - 01.01.2024 |
√ Bagyşla! / Goşgular - 01.01.2024 |
√ Gökdepäm / Goşgular - 22.03.2024 |
√ Käbir aýallara melek diýýäñiz / Goşgular - 04.02.2024 |
√ Победителям / Goşgular - 29.02.2024 |
√ Garyp köñlümiñ soltany / Goşgular - 21.02.2024 |
√ Aldawçynyñ pañ-pañy / Goşgular - 18.01.2024 |
Teswirleriň ählisi: 0 | |