Täze ýyl gutlagy

TÄZE ÝYL GUTLAGY

Alys menzil söküp Gündogar taýdan,
Geldi jübüt 20-lik tirkeşip,
Ýüklenip sowgatdan, sylag-serpaýdan,
Täze ýyly getirdiler birleşip.

Ýetip gelýän Täze ýylyň adynda,
20-likleň goşa ýazylşy ýaly.
Gowulyklar gelsin goşa-goşadan,
Bu Täze ýyl çüwsin hemmäň ykbaly.

Arzuwlary geçirilen kagyzy,
Gök arçaň teýinde bukar çagalar.
Onda ýazylany hasyl etmekde,
Ýüzgara bolmasyn “Aýaz babalar”.

Gözellikden doly bu Täze ýylda,
Myrat tapsyn umyt, arzuw, maksatlar.
Şeýleräjik sada gutlag-arzuwy,
Kabul ediň Atabalow Maksatdan.

Maksatmyrat ATABALOW.