19:37 Ýewropaň iň owadan gyzlaryna | |
ÝEWROPAŇ IŇ OWADAN GYZLARYNA
(Sähragül, Aknur, Gözel, Aýna, Maýa, Gülnar atly Ýewropaň iň owadan gyzlaryna) Sary gawun eräp ýatyr bakjada, Toý köýnegi çüýräp ýatyr bukjada, Wagty bilen tutulmadyk toýlaryň Nika ýüzükleri ýatyr tekjede. Arzuwlar büdredi nätanyş dile, Arzyly aýdymlar heňe gelenok. Içeriňden başga bar zat keseki, Maşgalaňdan özge ýeke hossar ýok. Galdy oýun mülki deň-duşlar bilen, Nädip beýle haram çykdy bijeler?! Syýasat pohuna taýan ataňyz Kelle döwüp, dik oturýar gijeler. Halas edip namys-mertebäňizi, Juwan ömrüňizi bagryna basyp, Sizi ne gün bilen çykardy ýurtdan, “Halk duşmany” adyn boýnundan asyp. Size başpena hem janpena beren, Ýewropada gyzýar şagalaňly ba:l. Ýöne ertir size näme garaşýar, Näme taýynlaýar geljekki ykbal?! Serhet yzda galdy, geçip bolanok, Ganat yzda galdy, uçup bolanok. Ýat ildeş, ýat ilde neýlesin, Mynasyp ýigit, Göwün küýsäniňi seçip bolanok. Bir beladan başyňyzy gutaryp, Has agyr kynçylyk tapaýdykmyka? Toýuňyzy ak sährada tutjakdyk, Ýa kökümiz bilen gopaýdykmyka? Nägile bolmaň siz ata-eneden, Öňem öňüňizde müýnümiz ýetik. Belki, soňun saýman gaýdanmyz üçin Öňümiz garaňky, yzymyz petik. Belki, bir gün öňümizde yş görnüp, Döneris mekana, tartyp nesibe. Belki, garaşýandyr ähli toý birden Azat Ýewropadan boşan ýesire. Şiraly NURMYRADOW. | |
|
√ Rubagylar / Goşgular - 13.01.2024 |
√ Bagyşla! / Goşgular - 01.01.2024 |
√ Täjir tanşyma / Goşgular - 16.01.2024 |
√ Gowy görülen goşgy / Goşgular - 05.01.2024 |
√ Günüñ monology / Goşgular - 01.01.2024 |
√ At galar / Goşgular - 11.02.2024 |
√ Kyrk ýaşa ýeteniñde / Goşgular - 03.02.2024 |
√ Gökdepäm / Goşgular - 22.03.2024 |
√ Düýşgowuran / Goşgular - 08.04.2024 |
√ «Отвергнув гордое сомненье…» / Goşgular - 29.02.2024 |
Teswirleriň ählisi: 16 | ||||||||||||||||
| ||||||||||||||||