Главная » 2022 » Mart » 6 » Ynha, Ýa:z! Diňe ýaz!
11:26

Ynha, Ýa:z! Diňe ýaz!

YNHA, ÝA:Z! DIŇE ÝAZ!

"Ynha, Ýa:z, diňe ýaz!.."
Suraý Babanyýazowa

Başagaý günlere berilip ýörün,
Ýüregimem juda gysýa diýmesem.
Seň aýdyşyň ýaly garaşan bo:rdum,
Ynha, ýa:zam geldi, ýazaýyn diýsem.

Men bir zatdan halas etsem özümi,
Bir zatlara ýetip bilmän kösenýän.
Aňymda aýlanýar bulaşyk heňler,
Men ýazyp bilemok özüme dözmän.

Ýygjam jaňlarmyzam seýrekläp ýörmi?
Herimizde ýetik dünýäniň derdi.
Görýäňmi, synaglar, sylaglar bilen
Dünýä näme aldy, nämeler berdi?!

Ynha, meniň täze ýazanlam diý-de,
Täsin goşgulaňdan okap bersene!
Senden hemişeler eşdesim gelýän
"Ynha, Ýa:z, diňe ýaz!.." sözleň diýsene!

Jaň etmäne wagtyň bolmasa welin,
Sms-leriňi gysganma menden.
Esasy saglygyň, ynamňam goýma,
Juda alysdaky iň ýakyn dostum.

Bilbil KAKABAÝEWA.
Категория: Goşgular | Просмотров: 444 | Добавил: Mähriban | Теги: Bilbil Kakabaýewa | Рейтинг: 5.0/1
Awtoryň başga makalalary

Goşgular bölümiň başga makalalary

√ "Gitdim senden ilerledip ümzügi..." / Goşgular - 01.01.2024
√ Sowuk söz / Goşgular - 31.01.2024
√ Käbir aýallara melek diýýäñiz / Goşgular - 04.02.2024
√ Garaş maňa / Goşgular - 17.02.2024
√ Was-wasylara... / Goşgular - 23.01.2024
√ Günüñ monology / Goşgular - 01.01.2024
√ Bagyşla! / Goşgular - 01.01.2024
√ Rubagylar / Goşgular - 01.01.2024
√ Rubagylar / Goşgular - 13.01.2024
√ Meniñ monologym / Goşgular - 01.01.2024

Teswirleriň ählisi: 4
0
1 Mähriban  
607
Ynha, Ýa:z, Bilbiljan! Diňe ýaz! Bagyşla, saňa wagtynda jaň edip, halyňdan habar alyp bilmeýänim üçin. Nesip bolsa, şeýle ajaýyp günleriň birinde dünýäniň her güni bahar bolar, şonda kän zatlar barada gürleşeris, iç döküşeris, mähriban joram! Baýramyň bilen! Diňe baharda däl, ýylyň ähli paslynda saýra, Bilbiljan! ("Sms"-i "Kitapçy"-da ýazaýypdyryn öýdýän! :-))

0
2 Gumlygelin  
8
Gör bulary :-))
Bilbiljanyñ gošgusy, Suraýjanyñ teswiri bahar guşlarynyñ täsinje jürküldisine meñzäp dünýäme rahatlyk eçildi...
Ýetip gelýän Bahar Baýramyñyz gutly bolsun gadyrdanlam. Goý, Suraýjanyñ aýdyşy ýaly: Dünýäñ her bir güni bahar bolsun!
Bilbiljan şeýle goşgulañ höwri köp bolsun uýam! Diñe ýaz!

0
3 Bilbil  
938
Güýzler ýaly agras, Ýazlar ýaly göwnaçyk, kalplary ylhamdan, mähirden doly mähribanlar Gumly gelnejem, Suraýjan siziňem Bahar baýramyňyzy gutlaýan. Nurana güler ýüzüňiz hiç wagt solmasyn.Kalbyňyzdan joşup çykan ajaýyp şygyrlaryňyzyň höwrü köp bolsun. Şygyrýet äleminde size diňe üstünlikleri arzuw edýärin .

0
4 Mähriban  
607
Ýadyma düşýär: bir ýyl mundan owal "Men bahara garaşypdym" diýip goşgy ýazypdym. Şol geçen bir ýylyň dowamynda bir zada göz ýetirdim: Bahara garaşmaly däl eken, baharyň özüne öwrülmeli eken. Mähriban zenanlar, Siz ýylgyrsaňyz, dünýä ýaz bolýan eken. Ýylgyryň, dünýäni bahar eýläň, ýaz eýläň! Kynçylyklara, päsgelçiliklere,... ýygrylmaň, gynanmaň, gaharlanmaň, nesip bolsa, olar Biziň indiki ýylgyryşlarymyzyň sebäpkärleridir! Her günüňizi 8-nji mart ýaly ýaşaň!

Teswiri diňe saýta agza bolan ulanjylar goşup bilýär.
[ Agza bol | Saýta gir ]