Ýürek sedasy

Ýürek sedasy

Dilimiñ ujundan gülüp bilemok,
Isleýşiñ ýaly ädimim äde.
Kän göwnüñe degdim, bagyşla läläm,
Çyn ýaşajak bolup ýalan dünýäde.

Ýylgyryp öñümden çykypdyñ şol gün,
Gutaran ýerinde sazyñ hem sözüñ.
Men dünýäñ daşyndan aýlanyp ýörün,
Öz ellerim bilen sowurup özüm.

Aryñ öýjügini gozgan deý göýä,
Gursagymyñ içinde hars urýar guşlar,
''Dem almak ýaşamak däl'', sen bilýäñ ony,
Her giden geljegiñ barlygyn buşlar.

Seýran SEÝITMÄMMEDOW