15:36 Ala ýektaý bedroý | |
ALA ÝEKTAÝ BEDROÝ
![]() "Il agasy men" diýip, getirýärler alany, Gara sülük-gan içen nämä gerek illerim. Düýe, sygyr ýuwdansoñ, ýuwha çykdy ýylany, Ylym-hünär deregne gaçyrýarlar hallarym. Ala ýektaý bedroý, kellesi gaba peçli, Iýen duzna kast eden, ýüzbe-ýüz, gözde-gaşly, Dilim göwher içinde, çyksa diýer oýnaşly, Gara sülük-gan içen nämä gerek illerim. Hatyrasy bar bolsa, gaçyp gelmez Halaçdan, Tut agaçdan dürresi kelte däldir gulaçdan, Çagalaryñ gyrgysy-gorkaýmasa Allaçdan, Gara sülük-gan içen nämä gerek illerim. Kömür ýürek örtenip, ýagty düşmez selleden, Için çekmän esreýär, habary ýok çilleden, Sen eñreseñ, ol güler, öýi doly galladan, Gara sülük-gan içen nämä gerek illerim. Uzan diýer, bu molla görgüliniñ görgüsi, Garyp bilen deñ urmaz, munuñ ýürek urgusy, Ýetim gyza duzakdyr, leñkebudyñ sargysy, Gara sülük-gan içen nämä gerek illerim. Uzan ENE, XIX asyryñ ahyrynda, XX asyryñ başynda Mary etrabynda ýaşan şahyr. | |
|
√ Öwütlerim / Goşgular - 10.06.2024 |
√ Hamd ede / Goşgular - 29.05.2024 |
√ Pyragyň kyssasyn söýdüm / Goşgular - 24.06.2024 |
√ Döwür oýlanmasy / Goşgular - 22.06.2024 |
√ Ýadyňdamy, ajalyň?! / Goşgular - 19.07.2024 |
√ Я блондинка / Goşgular - 26.07.2024 |
√ Nädip ýaşamaly?! / Goşgular - 13.01.2024 |
√ Goltugy daşly adam / Goşgular - 05.01.2024 |
√ Siziñki / Goşgular - 30.01.2024 |
√ "Ulag gidip barýar..." / Goşgular - 28.04.2024 |
Teswirleriň ählisi: 0 | |