Главная » 2023 » Iýun » 11 » Añly arakkeşiñ aýdany
14:38

Añly arakkeşiñ aýdany

AÑLY ARAKKEŞIÑ AÝDANY

Eşidipdik bir çak “heleý” diýmeklik,
“Gel-eý” diýen sözden çykanmyş gelip.
Biziň heleý, aç gapyny diýdigiň,
Gelmez, gaýta oklaw alar hekgerip.

Nätjek-dä, bararsyň aýal doganka,
“Geläý” diýer, dagy nätsin naçaryň.
Içip kowulaňda ýene bir hossar,
“Geläý” diýip, alar kümäň açaryn.

“Taşlamaly” diýýän öz-özüme, kä,
“Geläýim”- “heläýe” öwrüläýmänkä.

2015 ý.
Goşgular
Категория: Goşgular | Просмотров: 311 | Добавил: Haweran | Теги: Geldimyrat Seýidow | Рейтинг: 5.0/1
Awtoryň başga makalalary

Goşgular bölümiň başga makalalary

√ Aldawçynyñ pañ-pañy / Goşgular - 18.01.2024
√ Garrylyk bazary / Goşgular - 24.05.2024
√ Ol hojanyň aýagy batga batyp galanda... / Goşgular - 03.08.2024
√ Ybraýym Ýusupdan goşgular / Goşgular - 09.10.2024
√ Ged enarel-yşka-lil-uşşagy min hejel huda... / Goşgular - 02.08.2024
√ Hijri-zulmydan niçe kim, eýlesem men dat oňa... / Goşgular - 11.12.2024
√ Walid ogly sen Halid / Goşgular - 29.05.2024
√ «Превратила всё в шутку сначала…» / Goşgular - 29.02.2024
√ Rubagylar / Goşgular - 15.10.2024
√ «Ýa men ahate elmükel-eşýaýe külleha» / Goşgular - 03.08.2024

Teswirleriň ählisi: 1
0
1 sylapberdimuhamov  
1428
Kerim Gurbannepesowyň 8-nji mart degişmesi atly goşgusynda şeýleräk manyda rowaýat bardy. Şol wagtlar-a gowy görüpdim. Emma eýran türkmenlerinde resmi ýagdaýda zenanam diýilse-de, il içinde biziň aýdyşymyz ýaly heleýy görnüşinde aýdylýar. Muny men nämüçin aýdýan, heleý sözi eleý diýen gadymy türk sözüniň ýoýulan görnüşi diýdiler.
Wagtyň geçmegi bilen tebigatyň üýtgeýşi ýaly dillerem üýtgeýär. Bir wagt Gürgenç ady mongollar bu ýerleri basyp alandan soň Ürgenç diýlip başlanypdyr, sebäbi mongollar Gürgenç sözündäki "g" harpyny aýdyp bilmeýän ekenler. Bertelsde okaýdym öýdýän.
Çaklama köp. Aýal sözüni halal sözünden, hilal sözünden gelip çykan diýip düşündiriş berýänlerem bar.

Teswiri diňe saýta agza bolan ulanjylar goşup bilýär.
[ Agza bol | Saýta gir ]