Arzuw edilmeýän bagt

ARZUW EDILMEÝÄN “BAGT”

Kakasynyň elli ýaşda gazanyp
bilmedik zadyny – şan-şöhradyny
on dokuz ýaşynda gazandy ogly.
Ýaşajykdy, ejesine ýazardy
öýlerine hatam ýazanda, ogly.

Öldi esger, adyn okan mekdebne
hem oň ýaşan köçesine dakdylar.
“Harby albomdaky” suratlaryna
çagajyklar söýünç bilen bakdylar.

Baky ýaşar indi esgeriň ady,
Ol hiç haçan undulmaýar, ýitmeýär.
Görenler guwanar, buýsanar, ýöne
hiç kim oň “bagtyny” arzuw etmeyär.

Atajan ANNABERDIÝEW.