Bentler

BENTLER

Bilner, ahyr biliner,
Eder bu ýol öwrümi!
- Bilnende nä, kül kimin
Sowurañsoñ ömrüñi.

* * *

Wah, şeýle bir ýadadym,
Boş küýzeleñ heñinden.
Ol elmydam kadaly,
Hüñüläp dur deñimde.
Ylgaýaryn - galanok,
Derýa atsam dolanok.

* * *

Oñarmadyk işiñi
Özgelerden görmäñ näme?!
Munyñ merdiñ işimi, -
Ýoluma daş örmäñ nä?
Men barybir geçerin,
Öwrüm edip, ýa böküp,
Ýa guş bolup uçaryn.
Men barybir geçerin!

* * *

Dury gözüñ öñünde
Dünýäñ ýüzi ak ýaly.
Ýamanlaryñ göwnüne
Düzüw adam ýok ýaly.

Gözel ŞAGULYÝEWA.

"Tokmak" žurnaly, 1991 ý.