Главная » 2021 » Mart » 2 » Bolmady
23:38

Bolmady

BOLMADY

Bolmady. Ýüzüme urdular meniñ,
Ümdüzime tutdum tasan mal ýaly.
Mähelläñ içinde, göýä bir çölde,
Gezdim adam gözläp, suwsan mal ýaly.
Nirden geldi oglan başa bu höwes?
Men adam gözledim, biçäre kör deý,
Agyr mähelleden eşdilmedi ses,
Ýogsa men gygyrdym: ”Kim bar bu ýerde?!”
Birdenem mähelläñ akymna düşdüm,
Ýitdim gitdim, başky höwesim gaçdy.
Ejizledim.
Menden zor çykdy müşgül,
Ynam syndy. Şübhe gözümi açdy.
Gan sowady. Karar tapdy ýürek hem.
Göwräm oýa dolup ölüp galdym men.
Şuny az görmäliñ birek-birekden.
Mahal-mahal adam boljak boldum men.

Bapba GÖKLEÑ.
Просмотров: 551 | Добавил: Selbii | Теги: Bapba Gökleñ | Рейтинг: 5.0/1
Awtoryň başga makalalary

bölümiň başga makalalary


Teswirleriň ählisi: 4
0
1 mango  
651
Mähelläñ içinde, göýä bir çölde,
Gezdim adam gözläp, suwsan mal ýaly.

ine şahyr. ine ussat. ine adam.
orsçadaky "толпа и личность" düşünjesiniň tükmençedäki ajaýyp aýdylyşyna mysal bolupdyr.
"mähelle we adam" (mundan gowy aýdyp bolarmyka?).
mähelle köpçüligem bolsa, ol adamlardan ybaradam bolsa içinden hakyky adam (личность) az çykýar.
mähelleden "личность" gözlän şahyr, umytsyzlykdanmy, ýadawlykdanmy "Birdenem mähelläñ akymna düşdüm, Ýitdim gitdim, başky höwesim gaçdy. Ejizledim" - diýip mähelle derejesine düşendigini aýtsada, ol şol gyt topara gedişli kişilerden. Bapba - şahsyýet. Bapba - Adam.
ruhy şat bolsun.

0
2 Jumjume  
571
Şeýle ýiti täsir etdi,owalam doldy. Belki her kim ýüregine ýakyn pikire,duýga gabat gelende şeýle bolýandyr.

0
3 myhman  
732
haladym.

@Selbii, şu setiri barlasana

Göwräm oýa dbolup ölüp galdym men.

"ýaşan bolsa nähili goşgular ýazardy?" diýdirýän şahyrlaň biri. şu şahyryň köp goşgusynda janyýangynlyk bar ýaly.
şahyr üçin aralykdiýen zat ýok bolan bolmagam ahmal. ýa aktiw ýa öli.
.....................................
Ýitdim gitdim, başky höwesim gaçdy.
...........
..........
(şoňçüýn) Göwräm oýa bolup, ölüp galdym men.
...........
Mahal-mahal adam boljak boldum men.

0
4 Mähriban  
607
Şuny az görmäliñ birek-birekden.
Mahal-mahal adam boljak boldum men.

Teswiri diňe saýta agza bolan ulanjylar goşup bilýär.
[ Agza bol | Saýta gir ]