02:37 Bu gün | |
BU GÜN
Goşgular
Seýle çykmyş şaperiler, çenun reýhandyr bu gün, Toty guşlar saýraşyp, bilbiller zybandyr bu gün, Şa-geda ýok tapawut, hemmäge döwrandyr bu gün, Gullar azap eýleýir, persaga amandyr bu gün, Aý mübarek dogdy bu gün, mahy-tabandyr bu gün. Bir nijesi binikapdyr, nijesi ol hyrkapuş, Kyldy nazar "Huw Hak!" diýip, istäp ki onda derwüş, Uçdy Asman burçundan, gondy gelip ol gumry, guş, Elmydam bazar erir, bes ýada düşmez güýzu-gyş, Aşyk alsa magşugny, galmaýar arman bu gün. Näzli gyzlar çykmyş erdi, geýinip çog donuny, Dakynyban, lagly-merjen, ýene göwher känini, Serdar eýläp ol kenizler, öñe salyp hanyny, Gelse ol asal pygyly, berer bu gün janyny, Çünki ol älem ýüzüne Hudadan döwran bu gün. Boş oturan daragtlar getirer alma-nary, Çykmayar jowlan urup, gaflatda bilbiliñ zary, Aş tapmayan oturanyñ ýetip bu gün karary, Bermez bu gün patyşalar gul-gyrnaga azary, Keşt edip barsam mazara, ölä geler Jan bu gün. Diýr Nepesu, eý ýaranlar, geldi aýyt baýramy, Nur çoguban Arşy Agla, kyldy dünýä aramy, Gol uzatmaz Ezraýyl, almaz hiç kimiñ janyny, Diýdim ol dostuna bu gün ýüregimde barymy, Men pakyrdan sowgat erir illere dessan bu gün. Mollanepes. | |
|
√ Aramyzdan gidenleri ýatlalyñ! / Goşgular - 12.01.2025 |
√ Lolular / Goşgular - 08.01.2025 |
√ Dil pyrak odunda ýandy, galdy jan hijran era... / Goşgular - 12.01.2025 |
√ Ýagşy niýetler / Goşgular - 08.01.2025 |
√ Bir dem ol dilber jemalyndan yrak olmak ne güýç... / Goşgular - 01.01.2025 |
√ Bu köňlüm zowrakyn aldy bu gün bir gunça leb gülruh... / Goşgular - 06.01.2025 |
√ Söýlemezlik harjysy söýlemegiň hasydyr... / Goşgular - 04.01.2025 |
√ Rubagylar / Goşgular - 10.01.2025 |
√ Hatty benewşe, haddy läle, zülpi reýhandyr... / Goşgular - 12.01.2025 |
√ Dünýä maňa aşyk bolsun! / Goşgular - 07.01.2025 |
Teswirleriň ählisi: 2 | |
| |