11:44 Çingiz hanyñ gazany | |
|
Çingiz hanyñ gazany
Goşgular
"Heý-jan! Heý-jan! - Gaýna, lakyrda! Gaýnaryña garaşýar Jenap bokurdak! Eýläk-beýläk! - Saga hem sola Düzülip aýlansañ ýene üç ýola, Baýtallañ butlary pagta deý bişer, Sürüden gymyzam gelip ýetişer! Bol-ha! Bol-ha! Aýlan, eý aýlan! Tiziräk bişir-de, Gazany düşür-de, Ýene-de ýoluña, söweşe şaýlan! Almasañ gazandan üleşiñ-paýyñ, Dartylmaz söweşde señ çeýe ýaýyñ! Bol-ha! Bol-ha! Gaýna, lakyrda! Gaýnaryña garaşýar Jenap bokurdak!" ...Asyrlañ astynda, Baýyrlañ üstünde Atlar kişñeýär, - Aşpezler gyssanýar Gazana ot salýar, Ot salýar, ýöne... Nämüçin, nämüçin gazan bişmeýär? Asyrlañ astynda, Baýyrlañ üstünde bişmeýän gazan, Şol soñsuz tüsseläp, düşmeýän gazan, Gadymy hanlaryñ soñky gazany, - Taryhda galypdyr ýalñyz gazaryp! Kyrk gulak gazany muzeýde gördüm, Hanlañ işdäsine añk bolup durdum, - Gazanyñ agzy-da howuz ýalydy, Gulagnyñ her birem doñuz ýalydy! Egildim içine, pitikläp misin. Hem şonda eşitdim aşpeziñ sesin: "Heý-jan! Heý-jan! Gaýna, lakyrda! Gaýnaryña garaşýar jenap bokurdak!"... Saýn-Şand ş. Mongoliýa, 1972 Annaberdi Agabaýew. | |
|
| |
| √ Ýaraly ýüregiň owazy / Goşgular - 22.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Aramyzdan gidenleri ýatlalyñ! / Goşgular - 12.01.2025 | |
| √ Söýlemezlik harjysy söýlemegiň hasydyr... / Goşgular - 04.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Hatty benewşe, haddy läle, zülpi reýhandyr... / Goşgular - 12.01.2025 | |
| √ Oňşuksyz öý / Goşgular - 12.01.2025 | |
| √ Kowusnama: Bedew edinmek hakynda / Goşgular - 12.01.2025 | |
| √ Meýdan güli / Goşgular - 30.01.2025 | |
| √ "Ýene-de daň atdy..." / Goşgular - 01.01.2025 | |
| Teswirleriň ählisi: 5 | |||||
| |||||
0
