Eser döretmek hakda oý-pikirler

Sylapberdiň bu oýlanmasyny okap, şu aşakdaky ýadyma düşdi:

Söz / erkin goşgy

Mende bir Söz bar,
hökman aýdylmaly olam.
Bilemok aýtjagym kime.
Daňamy?
Tüme?!
Ýa güme?!
Dostumamy?
Byradarym – ömrüme syrdaş,
Aýtdym.
Almady.
Aňşyrmady.
Üns bermedi...
Belki, oň üçin, meň Sözüm
däl-de, wajypdyryn özüm...

Mende bir Söz bar.
Onam bukman,
kime-de bolsa birine
aýtmaly hökman.
Kime?
Doganmamy?
Başyndan agdyk derdi!
Hemme gepimi diňlese-de
janu birle tenden,
käte olam ýadaýar menden...
Wagty ýok şo esasy Sözüm diňläre,
kelle çakyşdyryp, Sözüm hakda
düşnüksiz,
gümürtik,
içginden-içgin ýaňrara...
Bilýän, oň üçinem, Sözüm
däl-de, wajyp meniň özüm...

Bir Söz bar mende.
Aýdylmak isläp urunýar tende.
Köňül-kitabymyň çaň basan gatyn
açyp, çekmeli oňa kimiň dykgatyn?
Başdaşamy?
Çagalaň aladasy, hysyrdysy öýüň,
doldurýar onuň dünýäsin.
Başagaýlygyna aňkaryp her daýym,
Gelenok ony boş warsaka güýmäsiň...
Onsoňam,
sygmaýaka şo Sözüň agramy özüňe,
urup bormy o ýüki “Garagözüňe”?!
Şoň üçinem, diýýäň içiňden:
“Gerek däl-laý, oňa meň Sözüm,
Ýeterlik ýanynda gezip ýörenim özüm”.

Bir Söz bar mende,
Şolam egsilere göwün tapanok Jahanda.
Erkim alyp elimden,
käte sypýaram dilimden.
Näme hakda ol?
Düşünemzok, ne men, ne il-gün.
Bir bilýän onuň barlygyn,
gursagym, kalbymam oňa darlygyn.
Bilýän ýene oň juda aýdylasy gelýänin,
aýdylyp bilmän,
ýa aýdylsa-da düşünilmän,
bagry tütäp, diriligine ölýänin...
Belki meň o täsin Sözüm,
ilki ýormalydyryn,
diňlemelidirin,
eşitmelidirin,
özüm.

© Öwezgeldi Begliýew

Çeşmesi: http://kitapcy.ru/news/soz/2023-02-01-25508

Osman aga hem aydypdy, dünýä klassykasyndan 4-5 kitaby okarsyñ, onsañ o kitaplaryñ temasyna-da golaýlaşmaýan bir täsin idea taparsyñ, bu hem saña Hudaýyñ eden serpaýydyr diýip.

"Türkmeni göçürjek bolsaň, gapdalyndan göç geçir", "Türkmeni dürtmeseň duýmaz" diýlenine barýar :-). "Biri ýazdy, menem ondan ruhlanyp ýazdym, ýogsa ýazmak pikiri kellämde-de ýokdy..." we ş.m..

"Siňekleriň hudaýy" romany bilen tanalýan iňlis şahyry we ýazyjysy William Golding "näme üçin ýazýarsyňyz?" soragyna "Soňky elli ýa-da altmyş ýylyň dowamynda bu mesele boýunça takyk jogap bermek maňa kyn düşdi". jogabyny beripdir. Belki-de şeýledir.
Ýöne adamlar köp sebäplere görä ýazýarlar. Başdan geçirenlerini aýtmak, başdan geçirip bilmediklerini aýtmak, edip bilmejekdiklerini ýa-da bilgeşleýin etmediklerini aýtmak. Arzuwlarynda täze dünýä gurmak üçin ... Puşman bolany üçin, aşyk bolany üçin, ýigrenen wagty, ýada bagtly wagty we gynanýanlygy üçin ýazýar.

17 ýylyň içinde döredijiligiň köp görnüşi bilen (surat çekmek, aýdym aýtmak, keşp janlandyrmak, tans etmek, üýtgeşijek zatlary ýasamak we.ş.m) meşgullandym. Emma nämedir bir zatlary ýazyp bilerin (ýazyjy ady bilen tanalaryn) diýip hiç mahal pikir etmändim. Belki men bir gyzykly eseri okap otyrkam eseriň awtory ýaly ýazyjy bolmagy özümden gizlin arzuw edendirin. Mümkin men arzuw edendigimi bilýän hem däldirin. Öňler men goşgujyklarymy içimdäki ýaralarma melhem hökmünde ýazýardym. Häzir ýazýan zatlarymyň hiç biri öňküler deý melhem däl-de, agyrymy gozgaýan awy ýaly bolup dur. Sebäbi ýazýan zatlarym meni iňkise batyrýar. Çünki men hemişe ýazyp, pozup bilýän ýazyjy ýa şahyr däl ahyryn. Men diňe ylhamdan gelýän setirleri kagyza geçirýän. Köp adam bolsa mundan närazy bir tema getirip şuňa bir üýtgeşik bir zat döredip ber diýip dur. Ýokarda aýdylyşy ýaly onuň alyjenaby Ylham hem meni öz günüme ýuwaş-ýuwaşdan goýar diýsem. Ýok. Biraz arkaýynçylykdan soň ýene ýazmaga mejbur edýär. Ertirki günde bize nämeleriň garaşýandygyny bilmeýänmiz hem bir gowy zat. Ertir mende öz ýolumy üýtgetmek üçin mümkinçilik has köpdür diýip umyt edýän.
Hormatly ýazyjylara bolsa döredijilik äleminde uly üstünlikleri, täzeden-täze eserleri döretmeklerini arzuw edýärin. Söýgüli awtorlarym siziň ajaýyp eserleriňizi okamaga hemişe taýýar. Ajaýyp eserleriň yzy gür bolsun!

kyn sorag? Jogabyny özümem gözleýän, tapamok.
Belki, men ýazanymy paýlaşmagyñ sebäbi hem jogabyny tapmak üçindir.

Ylhamyñyz joşup dursun!

Men bir zada haýran galýan! Men bärde öz pikirimi beýan etjek, gaty görselerem. Özleri bilýär görmeselerem... Garaz ýazyjy bolsun ýa şahyr, umuman döretýän adam nämüçindir bir zady boýnuna alanok? Olar diňe ylhamy gelende ýazdymy, ýada içindäki joşguny daşyna çykarmak üçinmi? Ýokarda-da belläp geçipdirler, aşyk bolany üçin, gahary üçin ýada ýigreneni üçin şuňa meňzeş üçinleri bar... Indi diýjek bolýanym, ala böle nämüçin gazanç üçin ýada abraý şan-şöhrat üçin ýazýandygyny boýnuna alasy gelmeýärkä!? Eýsem-de gazanç üçin ýazanoklarmyka??

Ýazyjylyk ýazyjyny eklärdi, haçanda normalnyý bir besstellere öwrülen kitaplary tükmen diline geçirip, halk köpçüligine hödürlesin! Hany onsaň göreli okyjylaryň öz ene dilindäki islän kitaplary tapdyryp dursa olaryňam satyn almaýşyny!? Aslynda şony başyndan soňuna çenli terjime etjek ýok ýa-da bizler ýalta! Ol biderek öwgüli goşgylardan şol işler amatlam welin...

Aý ýok ony hem diýme, pul berip okamana isleg bildirýän köp bolmasa aza däldir! Orslaryň litresdäkisinden okap gördüm dogrymy aýtsam okanyňa degýän zada däl, (käbiri) nämüüindir orslaryň mistikasy we fantastikasy gowy däl ýaly göwnüme.

Mende-de edil şeýle pikir bardy! Şeýtsek erbedem bolmaz! Ýöne bu bir topar zähmetden we çykdaýjydan ybarat. Ýöne barybir risk etmeseň üstünlik ýok diýlişi ýaly özümizi şu ugurda (saýtyň eýesi) synap görmeseň kem bolmajak ýaly...