Görmegeý gyza

GÖRMEGEÝ GYZA

Bahar pasly ýylda bir gezek gelýär
çöl bezenýär ýylda diñe bir gezek.
Agyr bulut Garagumy suwlaýar
eline alýar-da äpet gözenek.

Göýä gök ot, gyzyl gül bolup, ýerden
çykýar bulutlardan ýagan ýagyşlar.
Çölüñ her goluna kontingentlerden
myhman bolup gelýär enaýy guşlar.

Çopan tüýdüginiñ owazy bilen
agyp dönýär agyr-agyr sürüler.
Hawa, diñe bahar aýy gelende,
bezenýär bir kemsiz biziñ bu ýerler.

Sen bolsa bezenip inipsiñ dünýä.
Mydama gözel sen, mydama tämiz.
Artyk ýeriñ ýokdur, ýokdur kem ýeriñ
şu görküñ üýtgemän dursady hergiz.

1979 ý.

Allaberdi HAÝYDOW.