16:06 Akro goşgy | |
|
AKRO GOŞGY
Goşgular
 (Gurbannazar Ezizowa) Gör, bu durmuş neneň halda geçip dur, Urna-urna bolup, hataryn üzmän. Rahat çagy öz nuruny seçip dur, Beter gaharly-ka dur nurun dözmän. Açmak üçin dünýäň gamly perdesin Niçe kuwwat gerek, niçe güýç gerek?! Naýza, gylyç - güýji bolsa herkesiň, Ah, şahyra ýetikdir-le päk ýürek! Zemin üçin öz güýjüni gaýgyrman, Agyr kynçylyga özün idipdir. Rahatlykdan hiç birini aýyrman, Eýsem özi bu dünýeden gidipdir. Zar ekeni zemin mähriňe seniň. Iňrik garalanda nuryny saçyp, Zemin çüwmegine şeýle islegiň Ogrynlykda mydam durýar garaşyp. Wah, bilsem-de dolanmajagňy ahyr, Alnyňda dyzyma çökýärin, şahyr! *** Zemin aýlanyp dur, oňatlyk örän, Hiç bir güýje oň ýoluny tutma ýok. Dünýäň her gülünde sen bizi görýäň, Emma seni şol güllerden tapamok! Maksat SEÝITLIÝEW. | |
|
| |
| √ Oňşuksyz öý / Goşgular - 12.01.2025 | |
| √ Lolular / Goşgular - 08.01.2025 | |
| √ Kowusnama: Bedew edinmek hakynda / Goşgular - 12.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Bu köňlüm zowrakyn aldy bu gün bir gunça leb gülruh... / Goşgular - 06.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Hatty benewşe, haddy läle, zülpi reýhandyr... / Goşgular - 12.01.2025 | |
| √ "Ýene-de daň atdy..." / Goşgular - 01.01.2025 | |
| √ Dünýä maňa aşyk bolsun! / Goşgular - 07.01.2025 | |
| √ Söýlemezlik harjysy söýlemegiň hasydyr... / Goşgular - 04.01.2025 | |
| Teswirleriň ählisi: 0 | |