"Iñ gowy günlerim şeýle gün bolar..."

"IÑ GOWY GÜNLERIM ŞEÝLE GÜN BOLAR..."

Iň gowy günlerim şeýle gün bolar -
Ýetimiň başyny sypalan günüm,
Sogabym agralyp, günämi ýuwar,
Öňküsine görä uzalar ömrüm.

Iň bagtly günlerim şeýle gün bolar -
Söýgimi saýalap maşgala gursam,
Ýüregimde gelnim, kalbymda dinim,
Gujagymda bolsa çagalam bolsa.

Iň buýsançly günüm şeýle gün bolar -
Ýyllar bir-birine seplenip geçse,
Dünýäde ýetmedik arzuwlaryma
Uly ynam bilen çagalam ýetse.

Iň sowuk günlerim şeýle gün bolar -
Terk etse dünýäni enem hem atam...
Meň ahymdan mümkin dowzah hem sowar,
Şeýle gün dogmasyn, bolmasyn, Allam!

Iň dowamly günüm şeýle gün bolar -
Bir gün ajal gelse, Gün ýaly batsam,
Razy bolup ykbalymdan, ömrümden,
Şu toprakda süýnüp, arkaýyn ýatsam.