08:27 Ene | |
ENE
Ak tüýnükli alty ganat ak öýüň Rahatlykdan demin alýan töründe, Ýalňyz özi süzüp gara gözlerin, Ak pagtasyn egrip otyr bir ene. Onuň göz-guwanjy - ýalňyz balasy Bu gün Watan üçin aýaga galdy. Hawa, ol öz iýen mukaddes duzun Müň kerem halallap, ýerine saldy. Aýlar aýlananda, ýyllar aşanda, Kyrk üçünjiň maýy gelende çapyp, Hat geldi ýigitden ýaşyl bukjada, Üç burçuny üç tarapa galgadyp. Obaň ulus ili şol üçburç haty Okap berdi enä göýberip hata. Şeýle gysga haty dürs okamazça Ulus-il aňrybaş sowatsyzmy-ka?! ...Ine, onçasyna menem bilemok, Ýöne umyt edip, şol mährem enäň Soňky deme çenli ýoluna garap, Gözün açyp, göre girenin bilýän. 24.12.2017. | |
|
√ Pyglym harapdyr / Goşgular - 29.06.2024 |
√ Döwür oýlanmasy / Goşgular - 22.06.2024 |
√ Dostluk hakda / Goşgular - 18.02.2024 |
√ Aýandyr bary / Goşgular - 17.05.2024 |
√ Ajap ýaýlam / Goşgular - 15.05.2024 |
√ "Ýa suwa, ýa-da samana..." / Goşgular - 22.07.2024 |
√ Gam goşulan goşgy / Goşgular - 01.06.2024 |
√ Nebis / Goşgular - 06.06.2024 |
√ Mähremlikden nyşan sen... / Goşgular - 08.05.2024 |
√ Sen adam aslyň hakda / Goşgular - 11.07.2024 |
Teswirleriň ählisi: 0 | |