Gyzlar gülüp garanda

GYZLAR GÜLÜP GARANDA

Ýigit bagtda hakyň bar,
Gyzlar gülüp garanda.
Gamgyn göwün galkynýar,
Gülki göwne ýaranda.

Edepli gyz aň bolar,
Sözi gyzla deň bolar,
Dünýe dymar diň salar,
Sözlär setan-seýranda.

Ýöreýşinde döwlet bar,
Bet işlere böwet bor,
Bagty ýylgyryp bakar,
Nazaryny aýlanda.

Mährem gyzlaň barynda,
Bor yhlasy ýarynda,
Namyslydyr, arynda,
Mertebesin goranda.

Gyz kalbynyň bezegi,
Duýgularnyň näzigi,
Ýeke-täk bir ýazygy,
Näzi, çyny bir ýanda.

Hyýal gelip bu sere,
Hoş söz diýdim bir perä,
Uýalyp bakyp ýere,
Barmagna saç oranda.

Illi, bir bagt utsadym,
Islegimi aýtsadym,
Aýnasyny tutsadym,
Gyzlar saçyn daranda.

Ilmämmet ALLAGULYÝEW.