Главная » 2023 » Iýul » 2 » Ine, ýene Gün dogýar
17:58

Ine, ýene Gün dogýar

INE, ÝENE GÜN DOGÝAR

Ine, ýene Gün dogýar
Ine, ýene Ýekşenbe gün başlanýar.
(Ol asla başlapdy gije ýaryndan).
Bu ýerlerde köçelerde gum-gukluk
Hemme kişi öýlerinde dynç alýar.
Ynjalýar adamlar duşenbä çenli.
Menem penjirämden dünýä syn salýan,
Boş köçäni görýän,
Hem iki ýeke geçeni.
Bir kofejik demleneýin özüme,
Görmek üçin dynç gününiň mazasyn.
Bir minut geçmänka bakýan daşary,
Köçe. Gara ulaglaryň nyzamy.
Matam kerweni diýsegem bolar.
Biri barýar ähli ýakynlarynyň.
dostlarynyň dynç gününi puç edip,
Uzak wagtlyk dynç almaly ýerine.
Kelläm çaşgyn pikirlere berilen,
Uf-f, kofe demleneýin ajy edip...

Sylapberdi MUHAMOW.

Moskwa. 02.07.2023 ý.
Goşgular
Категория: Goşgular | Просмотров: 375 | Добавил: sylapberdimuhamov | Теги: Sylapberdi Muhamow | Рейтинг: 5.0/4
Awtoryň başga makalalary

Goşgular bölümiň başga makalalary

√ Ýigrimi ýyldan soñ / Goşgular - 12.07.2024
√ Ýagyşly günüñ aýdymy / Goşgular - 20.11.2024
√ Liwanda şu pursat kyýamat gopýar / Goşgular - 11.10.2024
√ Heýkeltaraş Saragt Babaýewe / Goşgular - 17.11.2024
√ Jojak zalym / Goşgular - 11.06.2024
√ Kimsi dosta barar... / Goşgular - 28.11.2024
√ Syzla / Goşgular - 31.08.2024
√ Seniň yşkyňda eý, nämähriban, bihanyman boldum... / Goşgular - 31.10.2024
√ Gul aga / Goşgular - 12.06.2024
√ Aýralygyň aýdymy / Goşgular - 10.10.2024

Teswirleriň ählisi: 6
0
1 Mähriban  
607
Gyzgynjak, gowuja goşgy bolupdyr. Höwri köp bolsun!

0
2 Gurgencli  
324
Dynç günem geçdi gitdi, dogan günem batdy, kofe hem içildi. Indi ýatmaly…
Tüweleme gowy goşgy:)

0
3 sylapberdimuhamov  
1428
Hemişelik ýatmaga ugradylanam bir ýatlap alyň ýatmazdan öň))

0
4 Gurgencli  
324
Ömür barada, durmuş barada pikirlenmän açy kofe içip oňaýmasaň. Pikirlenseň ömürden ýaşaýyşdan hiç hili many-maksat tapman tukatlyga düşýärsiň.
Näme üçin ýaşaýaň?
Şu ýaşyňa çenli bitiren işiň barmy?
Geljekki maksadyň?
Jogap ýok. Şonuň üçin
pikirlenip kellä agram salman, ajy kofe ýa-da bold içeli:).

0
5 sylapberdimuhamov  
1428
Bold boldy bolanokmy hali?)

0
6 Haweran  
411
"Biri barýar ähli dostlarynyñ dynç gününi puç edip, uzak wagtlyk dynç almaly ýerine..."
Beýle-de bir ýazybermek bormy.
Käte bahylçylyk duýgusyny oýarýañ mende hiç kimiñ aýtmadyk pikirlerini aýdyp.

* * *

Ýazyjy Osman Ödäýewiñ Ahmet Bekmyradow hakda ýazan makalasynda şeýle setirler bar:
"Biziň ajaýyp şahyrymyz Gurbannazar Ezizowda «Bütindünýä ümsümligin gujaklap» diýen setir bar. Hakyt hristian obrazy, hristian formulirowkasy-da! Elbetde, dünýäniň, ýagny ömürdir ölümiň şu hili duýulyşynyň soňky döwürleriň türkmen ruhy üçin inkär edip bolmajak bir faktora öwrülendigini boýun almak gerek. Ýöne biz illeriň öňünde olaryň özünden alan zadymyz bilen originalsyrap bilmeris. «Bütindünýä aýralygyn (nalaçlygyn, ýalňyzlygyn) gujaklap», megerem, has türkmençe bolardy. «Ahyrýetiň aýralygyn gujaklap» bolsa-ha diňe bir türkmençe däl, üstesine magtymguluça hem bolardy. Ýöne Gurbannazaryň biziň ruhy-edebi ösüşimizdäki hyzmatynyň manysy onuň «ezizowça» aýdyp bilenligindedir".
Şu kesgitlemäni señ üçinem gypynç etmän berip biljek, Sylapberdi.
Sen ors obrazyny, ors sowuklygyny «muhamowça» aýdyp bilipsiñ!

* * *

Kynrakdyram welin, başga ýurtlarda ýaşamak, ýurt görmek, dünýäni gezmek şular ýaly üýtgeşik pikirli özboluşlyja goşgulary döretdiriberýändir.
Hem goşgyny okap şolar ýaly puçlyk duýgusy özümde-de döredi.
Ha puçlyk duýgusyny döretsin, ha hyruçlyk...
Hernä, duýgy döredýän pikirli goşgularyñ höwri köp bolsun!

Teswiri diňe saýta agza bolan ulanjylar goşup bilýär.
[ Agza bol | Saýta gir ]