Keçjal gyz

KEÇJAL GYZ

Derýa owsun atýa,
çyrpynyp derýa.
Kenarda bir peri
saçyn daraýa.

Ýuwýar gyz ýüzüni
derýañ suwuna.
Gözi gidýär derýañ
ýeriñ guwuna.

Derýa barýan ýodañ
üsti ýalazy.
Suwda tolkun atýar
gyzyñ ýañagy.

Gatnaýar gyz derýa
sypdyrman günün.
Lak atýan ýigitleñ
çekjek diýp gümün.

Söýgiden gözlänok
ol gözel bagtyn.
Akyp ýatan derýa
açýar oñ şähtin.

Ketjal gözel her gün
syryp ýodany.
Derýañ suwna basýar
näzik dodagny.

Her gün lowurdaýar
derýada keşbi.
Özge uly bagty
çekmeýär keşti.

Joralarnyñ hersi
söýüp bir ýigdi.
Ol gyzlar ýigitleñ
gujagna sygdy.

Şeýdip dag gerdenleñ
gujagy dolýa.
Keçjal gyza bolsa,
ýeten zat derýa.

Durdymuhammet GURBANOW.