15:03 Keýik | |
KEÝIK
Çebşejikkä getirlipdi şu öýe, Ynsandy gözüniň ilki göreni. Ýadyrgady. Tutundy soň eneke Öýüň enesini çölüň jereni. Ol ot iýdi oglanjygyň elinden, Gyzjagazyň bedresinden suw içdi. Bir gün bolsa geçip ynsan mährinden Ganynda bar çöllerine gowuşdy. Aýlar-günler geçdi. Bu jelegaýa Gaýdyp garasyny salmady keýik. Agtyklarna akyl berdi ol goja «Görseň, şahyr Nepes mamladyr» diýip. Üç ýyl geçip, ýetende üç ýaşyna Gijäň tümlügini ýuwanda säher, Ýaralanyp, ýegşerip bir ýanyna Ak çägeden oba indi janawer. Tanyş itler garşy aldylar üýrmän, Keýijek böwründen sarkdyryp ganyn, Gelip aýagyna sessiz ýykyldy Mähriban enäniň, Tanyş gojanyň. Iki öň aýagna kellesin goýup Kynlyk bilen açanynda gözüni, Balkyldaýan görejinde keýigiň Oň naýynjar hoşallygy göründi. Keýik endiredi ýel degen per dek, Bozardy ýaş-jahyl, Bozuldy garry. ...Öz öýüňe gelip, süýnüp jan bermek Haýwana, ynsana eziz bolarly. Nobatguly REJEPOW | |
|
√ Çaganyñ öweý enesine aýdany / Goşgular - 20.08.2024 |
√ Şol işandan / Goşgular - 12.06.2024 |
√ Jadyly duýgy / Goşgular - 18.06.2024 |
√ Bu jany gördüm / Goşgular - 19.08.2024 |
√ Zehi zatyň nahany, ol nahandan masewa peýda... / Goşgular - 19.08.2024 |
√ Pyragyny okasañ! / Goşgular - 24.06.2024 |
√ Obama geliñ / Goşgular - 18.08.2024 |
√ Güljahana iberilmedik goşgy / Goşgular - 06.07.2024 |
√ Gözümde muttasyl ol, egme gaş, gerek bolsa... / Goşgular - 08.09.2024 |
√ Ol hojanyň aýagy batga batyp galanda... / Goşgular - 03.08.2024 |
Teswirleriň ählisi: 0 | |