Men bardyryn uzaklarda

MEN BARDYRYN UZAKLARDA...

Gitdiň göwün sähradan nowbahar dek,
Dönseň yza - umyt gapym ýapylmaz.
Goparlan güle döndim, solup barýan,
Täzeden ekjek bagbanam tapylmaz.

Dag başynda eremeýän gar ýaly,
Ýalňyzlyk asla gitmedi başymdan.
Diýdim özüme: öňkiň dek şat bolgun,
“Dertlerim il okamasyn daşymdan”.

Çöküp barýan jümmüşine ummanyň,
Halas etjek diňe sensiň ýeke-täk.
Ýürek kenaryňa barjak ýol bilen,
Ýürek bilen söhbet etjek ikiçäk.

Ýadaman ýüregiňe barmak üçin,
Böwet bolmaz, ählije duzaklar-da.
Seniň bilen aglap, seň bilen güljek
Bir jan bar,
men bardyryn uzaklarda.

Ylham GURBANALYÝEW.

2020.