07:06 Owadan Bahar | |
|
OWADAN BAHAR
Goşgular
Ýaşlykdan ýadygär, gizlenip galan goşgy Al-öýme ýaglygyň alkymyň ýapar, Altyn halkalaryň boýnuňda hatar. Ak ýüzüň dünýäniň misli gündizi - Owadan, Bahar! Öýkeläp gideňden bäri şol sapar, Gözlerim intizar ýoluňa bakar. Bilmedim, kim boldy, meni özüňden Sowadan, Bahar! Gel, etmäli läläm, bir-birden gahar, Ýaraşmaga indi boldy çen, mahal. Juda gereklisiň maňa suwdan hem Howadan, Bahar! Huşumda diňe sen, her şam, her säher, Görmesem dünýämi gam-gussa basar. Yşk hesretin hem lezzetin kalbymda Oýadan, Bahar! Ýylgyryp bakyşyň jana hoş ýakar, Gaharly göreçleň ok bolup batar. Taý tapman özüňe, gözläp şäherden, Obadan, Bahar! Al-öýme ýaglygyň alkymyň ýapar, Altyn halkalaryň boýnuňda hatar. Umman gözüň göýä gijäň tümlügi - Owadan, Bahar! 1982 ý. “Nesil” gazeti, 19.10.2020 ý. | |
|
| |
| √ Lolular / Goşgular - 08.01.2025 | |
| √ Dünýä maňa aşyk bolsun! / Goşgular - 07.01.2025 | |
| √ Dostum, arz et jemalyň, janymyz bolsun fereh... / Goşgular - 04.01.2025 | |
| √ Men bir ýola... / Goşgular - 12.01.2025 | |
| √ Ýa Biribar / Goşgular - 30.01.2025 | |
| √ Kowusnama: Bedew edinmek hakynda / Goşgular - 12.01.2025 | |
| √ Dil pyrak odunda ýandy, galdy jan hijran era... / Goşgular - 12.01.2025 | |
| √ Bir dem ol dilber jemalyndan yrak olmak ne güýç... / Goşgular - 01.01.2025 | |
| √ Eýledi ýar meni dert ile awara, medet... / Goşgular - 12.01.2025 | |
| √ Oňşuksyz öý / Goşgular - 12.01.2025 | |
| Teswirleriň ählisi: 0 | |