21:20 Rehim et | |
REHIM ET
Goşgular
Sandyrap, gagşaýan aýtjak bolamda, Günüm bolup dog-da, maňa rehim et! Görden zarym çykar, aýtman ölemde, Ur, käýe, sög, bog-da maňa rehim et! Kalbyňa bal bolup batyp bilmedim, Çenedim, nyşanlap atyp bilmedim, Çekindim aýtmaga, ýatyp bilmedim, Eräp-joşup, çog-da maňa rehim et! Özüçe ýaşaýar, düşünip her kim, Yşkyňdan örän berk guruldy ýüküm, Teşneläp azaşsam, çykmasa çakym, Çeşme bolup, dagda maňa rehim et! Ençe synanyşdym, kakdyryp diýdim, Başarman utandym, örtenip köýdüm, Men ekin, sen suwum, bardyr böwediň, Şol böwetden ag-da maňa rehim et! Islärin bagtyňy, gülüp gezmegiň, Ýüzüň çytmazlygyň, gaşyň ýazmagyň, Nämä durýar, meň halyma dözmegiň, Gahryň gelen çagda maňa rehim et! Müň ýaşaryn eger, diýäýseň «bolýar», Ýazgarsyň öýdübem pikrime gelýär, Durmuşda dag-deňiz, tiken bar, gül bar, Gülüm bolup bagda maňa rehim et! Kynmydyr, ýumuşym düzelmez, bitmez, Barybir ýürekden ol öçüp gitmez, Saçlaryň sypara ellerim ýetmez, Belent başyň eg-de maňa rehim et! Ýukajyk dodaklaň özüne çeker, Synlasam syratyň ýüregim böker, Iýilmese injir, bişensoň akar, Alma-naryň ýyg-da maňa rehim et! Çagalyk, juwanlyk bardyr möwsümi, Jahyllyk duýgysy – ýeliň öwsümi, Kesel köp, ölüm bar, başdan sowsuny, Şu çak janym, sag-da, maňa rehim et! Ilmämmet mähre zar, agyrdyr haly, Derman üçin gülden soraýyn baly, Teşne kalbym tozap ýatyr çöl ýaly, Ýagşym bolup ýag-da maňa rehim et! Ilmämmet ALLAGULYÝEW. | |
|
√ Aramyzdan gidenleri ýatlalyñ! / Goşgular - 12.01.2025 |
√ Eýledi ýar meni dert ile awara, medet... / Goşgular - 12.01.2025 |
√ Kowusnama: Bedew edinmek hakynda / Goşgular - 12.01.2025 |
√ Hatty benewşe, haddy läle, zülpi reýhandyr... / Goşgular - 12.01.2025 |
√ Dil pyrak odunda ýandy, galdy jan hijran era... / Goşgular - 12.01.2025 |
√ Rubagylar / Goşgular - 10.01.2025 |
√ Ýar laglyň arzuwlar men, jana bereý sen şypa... / Goşgular - 06.01.2025 |
√ Oňşuksyz öý / Goşgular - 12.01.2025 |
√ Bir dem ol dilber jemalyndan yrak olmak ne güýç... / Goşgular - 01.01.2025 |
√ "Ýene-de daň atdy..." / Goşgular - 01.01.2025 |
Teswirleriň ählisi: 0 | |