Serhoşyň samramasy

Täze awtor eken

Ne şerap içýäni ýazgarma meýlim bar, ne-de namaz okaýanyñ tarapyny çalmak pikirim.
Her kimiñ amaly özüne: islesem şerap içerin, islesem namaz okaryn (toba nesip eden güni). Ýöne "men şerap içýän, sen içeñok" ýa "men namaz okaýan, sen okañok" diýmegiñ özi ýalñyş.
Hiç kim hiç kimden artygam däl, pesem däl. Hemme zatdan ötri şuny kellämize soksak gowy bolardy. Kimiñ kimden artykdygyny, pesdigini seljerjegem, baha berjegem, amal depderimize görä düşjek ýerimizi kesgitlejegem bir Allanyñ özi!

* * *

Ýagşy ýa ýaman bolsun, tapawudy ýok, şahsy amallaryñy "Men eýdýän, men beýdýän" diýmek - şeýtany päldir. Dogry, şerapdan, meýden gerk-gäbe doýañsoñ, bile içip oturan hemşeriñe-de yrsarap bolýar, metjitde gygyrylan azana-da jort atyp bolýar. Meni gynandyran zat, liriki gahrymanyñ serhoşlygy, ýa onuñ namazhon dostuna igenmesi däl-de, dañ säher gygyrylanda, şol ýeriñ üstüne abanýan müñ belasyny yzyna gaýtarýan azana dil ýetiriljek bolmagy. Beýik Allatagala obalarymyzy-şäherlerimizi azan sesinden binesip etmesin!

* * *

Meniñ tanaýan içgä ýykgyn edýän tanyşlarymyñ barsy şeýleräk düşünjede: "Meniñ ýüregim ak!"
Awtoryñ "serhoşyna-da", onuñ şeýle pikirdäki beýleki ülpetlerine-de şeýleräk sowalym bar: "Eýse siziñ ýüregiñiz Allanyñ päk Resuly pygamberimiziñkidenem (s.a.w) akmydy?"

* * *

Bärde köpleriñ ýalñyş düşünýän, käbir mollalaryñam ýalñyş düşündirýän bir zady bar. Namaz günäñi ýuwmak ü.n okalmaýar. Ol bendesiniñ Allanyñ öñündäki gulluk parzy. Elbetde, günäsini ýuwup, dogry ýola düşen mömin-musulman ü.n namazyñ orny başga. Ony inkär edip bilen bolmaz. Emma namazyñ düýp maksadynyñ günäni ýuwmak däldigini awtor bilse kem bolmazdy, günä üçin namaz okalýan bolsa, geçen ýüz ýigrimi dört müñ pygamberleriñ, set müñ öwlüýä-pirleriñ, welileriñ ömürleri ýeke rekatsyz namazsyz geçse-de bolardy.

* * *

Allatagalanyñ huzurynda Alla ü.n egilen baş bilen egilmedik başyñ tapawudy ýer bilen gök ýalydyr.
Öz ýaramaz edähetlerimize tutaryk gözlemekdenem beter, başgalaryñ durmuş obrazlaryna, edim-gylymlaryna, tagat-ybadatlaryna jort atmak nämä gerekdi...
Içiber-dä aragyñy, içýän bolsañ tä burnuñdan gelýänçä...

Men namaz okaýan.

Alla sogabyny bersin.
Bärde bellikler goşguda ýöredilýän pikir boýunça berildi. Awtoryñ ýerine ýetirýän ýa ýetirmeýän haýsydyr bir amaly boýunça däl.