Suw perisi

SUW PERISI

Eziz enem bir owadan
Köşk içre meni dogurdy.
Soň bol suwly Dnepriň
Kenaryna alyp bardy.
Tüm gijede meni derýaň
Gök suwuna düşürdi ol.
Soňra: "Akymyň ugruna
Ýüzüp gidiber erkana,
Suw perisi bol-da, gyzym
Diýip, düşündirdi ol.
Ertir gijäň ýarymynda
Gezmäge çykaryn pany.
Şatlyk-bagtym, gujaklarsyň
Şonda sen eziz ataňy.
Goý, indi meniň üstümden
Gülüp ýörmän, şerap içsin.
Ýöne meniň - ýaş gözeliň
Ganly gözýaşym içmesin.

Dnepriň gök suwundan
Goý, ömürlik gansyn-da ol,
Ýüzübersin seniň bilen
Bu derýada galsyn-da ol.
Ýüzüber, meniň ezizim.

Eý, tolkunlar, däli möwçler,
Ynjytmaň siz meniň gyzym!"
Soňra aglap gaçyp gitdi,
Menden ara açyp gitdi.

Ýüzüberdim derýada men,
Suw gyzy - uýalam bilen.
Olar meni öz ýanyna
Äkitdiler suw şalygna.

Hepde geçdi, ulalýan men,
Suw gyzy uýalam bilen.
Şondan bäri gijäň ýary
Garaşýan atam gelerne...
Ýa ýene öňküsi ýaly,
Bezeg berip köşk içine,
Pan bilen söýşüp-dalaşyp,
Meýlis gurýarmyka enem?"

Soňra dymdy suw perisi,
Bökdi Dnepr suwunda.
Diňe gamşyň şahalary,
Çalaja tisgindi şonda.

Eje bolsa peşeneli
Köşk içinde uklamaýar.
Pan Ýan bolsa öýünde ýok,
Hasrat ony basyp barýar.

Öýden çykyp, kert gaýadan
Aşak düşüp, derýa geldi.
Gyzyn suwa düşürenin,
Hem sargydyn ýada saldy.
Nämä gerek yada salmak,
Bolan boldy, geçen geçdi.
Ýene çadyra dolandy.
Özün dürsäp ýetişmedi,
Suw jynlary daşyn aldy.
Onuň bilen oýun gurap,
Eýläk-beýläk böküşdiler.
El çarpyşyp, gol dartyşyp,
Keýp etdiler, gülüşdiler.

Soň ony tora düşüren
Suw jynlar jynssyz gülýärdi.
Diñe suw perisi gyzda
Gülki däl-de, hasrat bardy.

Taras ŞEWÇENKO.