Главная » 2021 » Iýul » 25 » Sygmaryn
04:31

Sygmaryn

SYGMARYN

Iki jahan maňa sygar,
Men bu jahana sygmaryn...
Seýit Nesimi

Gürleşipdim sedasyz,
Indi dilli gürleşmen.
Goşulypdym bir damja,
Asla derýa birleşmen.

Men bir oda çoýundym,
Gyşda alaw ýakmaryn.
Oñ siñipdim garaga,
Indi göze bakmaryn.

Ah, dadypdym bir miwe,
Indi bal hem iýmerin.
Ýerleşipdim bir kalba,
Özge göwne girmerin.

Ýok, ýok, hiç bir ykbala
Umyt bolup ýagmaryn.
Men sygypdym bir dünýä,
Indi dünýä sygmaryn.

Ahmet ARAZOW.
Goşgular
Категория: Goşgular | Просмотров: 421 | Добавил: Ahmet | Теги: Ahmet Arazow | Рейтинг: 4.3/3
Awtoryň başga makalalary

Goşgular bölümiň başga makalalary

√ Kinaýa / Goşgular - 28.08.2024
√ Tazy / Goşgular - 30.01.2024
√ Dert / Goşgular - 06.06.2024
√ Allaýar Çüri / Goşgular - 17.09.2024
√ Zenan imany / Goşgular - 08.07.2024
√ Garrylyk bazary / Goşgular - 24.05.2024
√ "Gowy men" diýer / Goşgular - 28.11.2024
√ Asmaýar / Goşgular - 07.09.2024
√ Gaýnene / Goşgular - 17.10.2024
√ Ylym kelamda / Goşgular - 23.07.2024

Teswirleriň ählisi: 5
0
1 Ahmet  
634
Bellik ýokmyka?

0
2 Garayolly1936  
830
Shygyr yaman dal, shahyr, gowy. Yeñil okalyar. Mazmunam saldamly. Yone, mazmuna garashyk setir sany sahel koprak bolanda gowy bolayjak eken.

0
3 bbaygeldi  
843
Ahmet aga meñ özümä bellik etseler halaýan.Esasanam kritikany.
Her giren agza ýada myhmanlar birje teswir goýup gitse mümkin menem bir wagt özüme ýodajyk tapynardym.Indi bolsa goşgyñyza geçeli!

Goşulypdym bir damja,
Asla derýa birleşmen.

Olam bir damja,senem bir damja.birigipsiñiz gowulygyñ alamaty.DERÝAÑYZAM bu ýerde köpçülik manyda bolup hyzmat etýär .BIRLEŞMEN diýmegiñizem,başga hiç kim gerekdäl diýen düşünjäni emele getirýär.

Men bir oda çoýundym,
Gyşda ALAW ýakmaryn.

ALAW ýanmaýar!
Mysal getireýin
Ot ýananda alaw ,suw gaýnanda bug emele gelýär.

Oñ siñipdim garaga,
Indi göze bakmaryn.

OÑ SIÑMEK seýrek hem gowy bolupdyr.

Galan iki topbagyñ 3nji 4nji setirleri birmeñzeşiräk

0
5 Ahmet  
634
Howa, bellik ýazylsa kämileşmäge uly kömek eder.

0
4 Ahmet  
634
Bellikleri göz öñünde tutaryn. Minnetdar!

Teswiri diňe saýta agza bolan ulanjylar goşup bilýär.
[ Agza bol | Saýta gir ]