Ynsabymy

YNSABYMY

Bu dünýä inderip, synagda goýup,
Dogry ýola gönder, öz ynsanyňy,
Şol geçen geçmişden, imanym diläp,
Diýýärin, peşgeş ber, öz ynsabymy,

Musulmana ilki parzy imandyr,
Ynsap bolsa, ýarymyşyn imandan,
Dogrymy, ýalandanmy, gümanmy,
Allahym peşgeş ber, öz ynsabymy,

Ýüzümi gyzartma hiç-hili ýerde,
Goýmagyn gaflatda, bir agyr derde,
Ynsabym çekildin ýüzüme perde,
Allahym peşgeş ber öz ynsabymy,

Ýagşy sözler özi gelsin zybana,
Gullugyňda sežde etsem, namaza,
Diýilmesin-döwür: Täze zamana,
Allahym peşgeş ber öz ynsabymy,

Bolaýyn elmydam, ýagşy niýetde,
Öz pälim, öz erkim, doga, aýatlam,
Sogabym köp bolsun ol kyýamatda,
Allahym peşgeş ber öz ynsabymy,

Entek söz kän, gutarma ýok sözlere,
Nur eçil guluňa, gara-gözlere,
Kuwwat ber bilime, aýak, dyzlara,
Allahym peşgeş ber öz ynsabymy,

Aýdylman galmasyn ýürekde sözüm,
Açylyp gitmesin, ýumulsyn gözüm,
Bagt eçil, şatlansyn, ogulym, gyzym,
Olarada bagş et öz ynsabyny,

Remezan MÄMETGURBANOW.