Aprel

APREL

Joşan Jeýhun kimin çaýkanýar aprel,
Gül akýar asmandan buludy syksaň.
Watany ýakyndan görüp bor bu gün,
Ho-ol serhoş daglaryň etegne çyksaň.

Ganatyny sanap uçýar durnalar.
Bu asman azaşyp tapanok yzyn.
Dünýä gözlerine çalypdyr göýä,
Al – ýaşyl kölgeleň garyşyk ysyn.

...Gelmez uzakdaky şäher şowhuny,
Yşk hem ylham bilen taplanyp ýaşlar;
Joşan Jeýhun kimin çaýkar ýüregiň,
Jyzyrdap – jyzyrdap ýagýan ýagyşlar.

Enwer NYZAMOW.