Главная » 2021 » Mart » 17 » Bahar görnüşi
08:38

Bahar görnüşi

BAHAR GÖRNÜŞI

Ýaz ysynyň ýaýran gündizlerinden
Hem gijelerinden beleňlän dünýä,
Çasly gülküleriň, ýylgyryşlaryň
Salkyn saýasynda seleňlän dünýä
Gözüne güýdüşip gussadyr gamyň,
Janly-jemändäni gujaklap otyr.
Ol pursat berenok hasrata, kinä,
Kalplary bilniksiz gyjyklap otyr
Hem göterip otyr göwni asmana.
Bu mahal her ynsan, bar ynsan — şahyr!
Menem, senem, olam ylham deňzinde,
Gulaçlap-gulaçlap ýüzüp ýörüs biz.
Serimizi dumanladyp yşk bilen,
Gözümizi bagtdan süzüp ýörüs biz.
Gezip ýörüs lezzet alyp barlykdan,
Dünýäň bahar hakda sazyn diňleýäs,
Ýagýas bagtyýarlyk ýagmyry bolup,
Diňmeýäs!

Sapa HOMMADOW.
Категория: Goşgular | Просмотров: 369 | Добавил: Pegas | Теги: Sapa Hommadоw | Рейтинг: 5.0/1
Awtoryň başga makalalary

Goşgular bölümiň başga makalalary

√ Nädip ýaşamaly?! / Goşgular - 13.01.2024
√ Tilki bilen üzüm / basnýa / Goşgular - 10.01.2024
√ «Превратила всё в шутку сначала…» / Goşgular - 29.02.2024
√ Ynanarmykan? / Goşgular - 30.01.2024
√ Täjir tanşyma / Goşgular - 16.01.2024
√ Kyrk ýaşa ýüzlenme / Goşgular - 03.02.2024
√ Göreş / Goşgular - 11.02.2024
√ Nokat / Goşgular - 28.01.2024
√ Wiswisi lakamly obadaşymyň ömür beýany / Goşgular - 25.03.2024
√ Puluň başarnygy barada agymtyl goşgy / Goşgular - 10.01.2024

Teswirleriň ählisi: 5
0
1 Edebiyatcy  
15
Beleňlän dünýä... owadan eşidilýär
Goşgy duýgulary gyjyklap bilýär. Ýazyp dur Pegas biggrin

0
2 hekaya  
567
Ikinji setir diliňe ornaşanok. Düzedip boljak zat.
Bir redaktoryňa elinden geçene meňzeýär. "Bagtyýarlyk". güýjüni gaçyrypdyr goşgyň.
Joşjak bolup ýagybilmändir.

-1
3 nurgeldiyewam232  
691
Näme diýsemkäm?Owadanja owadanja sözler,sözlemler.Ýöne hany pikir çuñlugy?Beý diýmegimiñ sebäbi şu awtordan has pelsepewi setirlere garašýan."Ýolumyz sowamy,özümiz tersmi?
Bilemok bilýänim söwdamyz şertli
Derdimiz dermana dep boljak dertmi
Ah dermansyzlygy söýlendi dünýäm...
...Bolmady,ölmedim ýöne bagyşla
Aşygyñ bir zyba öýlendi dünýäm.

...Ýene-de oýamyñ?Gijäñ ýarymy?

...Ýogsa düşûnýänem ahyrsoñunda
Howwa,şu sen ýoklar berkider meni.

...Bir ýerlere gitsem hiç kim duýmasa,
Gidemsoñam duýulmasa ýoklugym.
(Sapa Hommadow)
Hut şular ýaly.Awtora "Özüñize geliñ.Siz bu däl"diýesim gelýär.

0
4 Sona  
621
ajaýyp duýgular berdi şu goşgy. Ömri uzak bolsun, şahyryň!

0
5 Güllericre  
379
"Bu mahal her ynsan, bar ynsan — şahyr!
Menem, senem, olam ylham deňzinde,
Gulaçlap-gulaçlap ýüzüp ýörüs biz..."
Hakyky.
Pasyllaryň naýbaşy, "bahar görnüşi" sebäp. )

Teswiri diňe saýta agza bolan ulanjylar goşup bilýär.
[ Agza bol | Saýta gir ]