Главная » 2018 » Awgust » 31 » Çaga ýaly adamlar
21:58

Çaga ýaly adamlar

ÇAGA ÝALY ADAMLAR

Olar dileg salsalar,
Ýumşun bitirmek aňsat.
Olar gamgyn bolsalar,
Göwnün götermek aňsat.
Olary öýkeletseň,
Derrew ýitirmek aňsat.
Kyn düşse-de, ädimin,
Haýyr üçin ädenler.
Gapysyndan baranym
Çaga ýaly adamlar!

Gerek wagty, tilki däl,
Olar aldap bilenok.
Nebisleriniň yzynda
It dek ylgap bilenok,
Biri büdräp ýykylsa,
Elin salgap bilenok.
Özgäň bähbidi üçin
Özlerini unudanlar.
Meniň arka diränim
Çaga ýaly adamlar.

Keýikler dek tazygyp,
Çete çekilmesinler!
Ýadygärlikler ýaly,
Dursun, ýykylmasynlar,
Gülleriň tohumy deý,
Össün, tükenmesinler!
Il gaýgysyn gursakda
Çagasy deý gundanlar,
Köki döwrüň-döwranyň
Çaga yaly adamlar.

Gurbanýaz DAŞGYNOW.
Категория: Goşgular | Просмотров: 868 | Добавил: Zerinaý | Теги: Gurbanýaz Daşgynow | Рейтинг: 4.2/6
Awtoryň başga makalalary

Goşgular bölümiň başga makalalary

√ Atsyz goşgy / Goşgular - 31.01.2024
√ Är garrar... / Goşgular - 30.04.2024
√ Rubagylar / Goşgular - 01.01.2024
√ Tilki bilen üzüm / basnýa / Goşgular - 10.01.2024
√ Çarwa arabyñ söýgüsi / Goşgular - 10.02.2024
√ Ýolbars we Möjek / basnýa / Goşgular - 05.01.2024
√ Wiswisi lakamly obadaşymyň ömür beýany / Goşgular - 25.03.2024
√ Bagyşla! / Goşgular - 01.01.2024
√ Aldawçynyñ pañ-pañy / Goşgular - 18.01.2024
√ Garyp köñlümiñ soltany / Goşgular - 21.02.2024

Teswirleriň ählisi: 8
0
1 cornetto  
Tüweleme bu gün diñe DZ-ly yazyjylardan sypdyrdyñyzow smile

0
2 Garayolly  
Gowy goshgy,ajayyp shahyr. Bu shahyryñ goshgylary yeñil okalyar.

0
3 Gulz....  
Sol caga hasyetlermizdenem gaty kosenilyarda...

Gaty gowy yazylypdyr.

0
4 jumagylyjovao  
88
Düýn Begmyrat Ussaýewiň "Poeziýa-öwrediji, söweşjeň bolmalydyr" diýen makalasynda poeziýanyň graždanlygy barada gürrüň açypdyr. Ine graždanlyk düşünjesine ýugrulan goşgy.Uly adamlary çaganyň arassa päk dünýäsine çenli beýgelmeklige çagyrýan ajaýyp goşgy.

0
5 Medine  
368
Meň iň köp eşidýänim gepim çaga ýalyla sen .
Gowy gylygam däl.

0
6 Мylayym  
83
Olar dileg salsalar,
Ýumşun bitirmek aňsat.
Olar gamgyn bolsalar,
Göwnün götermek aňsat.
Olary öýkeletseň,
Derrew ýitirmek aňsat.
Kyn düşse-de, ädimin,
Haýyr üçin ädenler.
Gapysyndan baranym
Çaga ýaly adamlar! ...

Gurbanýaz aga bize-de geläýdimikägy smile

Bir burçda duramzok diýmesek, henizem ulalyp oňaramyzok.
Ejemi görsem, henizem aýnap ýörün )

G. Daşgynowyň goşgulary bir okaňda aňyňda galjak derejede sünnällenip, ýeňil dilde ýazylan. Onuň goşgulary hiç mahalam, öz gymmatyny gaçyrmaýa. Ýatan ýer ýagty bolsun, Ussadyň!

0
7 gadambez1986  
335
Wiy, Dasgynow olapmi? Yanam telewizorda gurlap durdymyka diydima

0
8 Nurdan  
100
Il gaýgysyn gursakda
Çagasy deý gundanlar,
Köki döwrüň-döwranyň
Çaga yaly adamlar.

Teswiri diňe saýta agza bolan ulanjylar goşup bilýär.
[ Agza bol | Saýta gir ]