21:29 Durmuş deňzinde | |
DURMUŞ DEÑZINDE
...Men durmuş deňzinde… Ýüzüp barýaryn, Ýüki ýetik bu gün ömür salymyň. Howatyr edýärin, onuň agramna, Bir ýerlerde agyp gitjek ýaly men… Durmuş dolup-daşýar… Iki ýan çaýkap, Ahmal bolsaň, ýitirjek ol deregňi. Bolmaýar, otursaň başyňy ýaýkap— Aldygyna işletmeseň küregňi. Deňizde… Bolmaly däl eken ýöwsel, Gaý-tupandan gorkmaly däl ekeni. …Bu gün meniň bilen ugurdaş owsen, Şemal ynam bolup dolýar ýelkene! Dumly-duşuň… Galagopluk durşuna— Gomlar howuň basjak bolup sürünýär. …Ýöne, maňa göreşsiz bu durmuşam, Nämüçindir, ýürekgysgynç görünýär… Ýüzüp barýan… Bakman derdi-azara, Ömürde—ölümden özgesi hiçdir! Belki, öldürmeýän zatlaryň bary, Bizi bu durmuşda edýändir güýçli?! Durmuş! Ur ýüküňi maňa gatla-da, Mas ýükle! Salmasaň bolýar allary! …Deňiz tolkunlary, harasatlary, Aňsat agdarýandyr ýüksüz sallary… Annamuhammet KIRŞEN. | |
|
√ Wiswisi lakamly obadaşymyň ömür beýany / Goşgular - 25.03.2024 |
√ Nokat / Goşgular - 28.01.2024 |
√ Ýagyş damjasy / Goşgular - 24.03.2024 |
√ Käbir aýallara melek diýýäñiz / Goşgular - 04.02.2024 |
√ Şert / Goşgular - 09.02.2024 |
√ Ömrümiñ manysy bolmaly zenan / Goşgular - 05.02.2024 |
√ Gökdepäm / Goşgular - 22.03.2024 |
√ "Ulag gidip barýar..." / Goşgular - 28.04.2024 |
√ Rubagylar / Goşgular - 01.01.2024 |
√ «Отвергнув гордое сомненье…» / Goşgular - 29.02.2024 |
Teswirleriň ählisi: 1 | ||
| ||