11:50 Dymyp gezip ýörün içim hümledip | |
DYMYP GEZIP ÝÖRÜN IÇIM HÜMLEDIP
Dymyp gezip ýörün içim hümledip, Golumda-da daşy könelşen Şukşin. Belki diýýändirler maňa seredip, Bolup ýörşi gowy-ha däl şu kişiň. Sähralara siňsem, soňam gelmesem, Ýitsem sessiz derýalaryň boýunda. Dost-ýarlaryň hossarlaryň hemmesem, Galmasady agyr derdiň teýinde. Gussa ýüregimi köwüp teşe deý, Soň ruhumy şoň içine gabaplar. Dertler goş ýazdyrdy goşa-goşadan, Gel aýt ol zyndany kimler halapdyr. Bir ýerde özümden uzak ýerlerde, Bir dost bar ýaly-la ahwalym aňýan. Ol bir bilýärmikä bärde gam bilen Dertler eşek bolýar üstümde agnap. Şukşin maňa düşünmeýär bu çakda, Biraz ýukalypdyr aňym-üşügim. Ýöne alyslarda bakylyk hakda, Bilsem diýýän öz kalbymdan düşünip. Sylapberdi MUHAMOW. 02.05.2020 ý. | |
|
√ "Bagşylara" / Goşgular - 07.02.2024 |
√ Şemally gün / Goşgular - 27.01.2024 |
√ Dostluk hakda / Goşgular - 18.02.2024 |
√ Yzany yşkyma ýamag etdim / Goşgular - 15.04.2024 |
√ Tazy / Goşgular - 30.01.2024 |
√ Dünýe... / Goşgular - 11.02.2024 |
√ Sowuk söz / Goşgular - 31.01.2024 |
√ Estagfurullaly bentler / Goşgular - 14.02.2024 |
√ "Gelin jan..." / Goşgular - 26.03.2024 |
√ Goltugy daşly adam / Goşgular - 05.01.2024 |
Teswirleriň ählisi: 1 | |
| |