Garagum

GARAGUM

Möjek, şagal mesgen tutan Garagum,
Täze durmuş täze döwre aýlanýar.
Asyrlarça öli ýatan Garagum
Gujak açýan janly göwrä aýlanýar.

Giñ sährada garaköli ýaýradyp,
Enaýyja guzujyklar oýnadyp,
Gowurdakda, Gyrda kükürt gaýnadyp,
Ürgün çäge magdanlara aýlanýar.

Garabogaz himkombinat turbasy,
Sulfat dökün däl-de, altyn urbasy.
Nebitdagyñ nebit pürkýän burmasy
Nyzam tutan hatarlara aýlanýar.

Sanajyny mäkäm bogýan Garagum,
Indi gymmat gazna dogýan Garagum,
Zähmet, ylma boýun egýän Garagum
Çäge ýerne tylla, zere aýlanýar.

Berdi KERBABAÝEW